قىزىلشاعا قارسى ەكپە مەديتسينا قىزمەتكەرلەرىنە دە سالىناتىن بولدى

جاعداي تۇراقتالعانعا دەيىن 6-10 ايلىق بالالاردى قوسىمشا يممۋنداۋ ەنگىزىلگەن. سونداي-اق بۇرىن ەكپە الماعان 2-5 جانە 7-18 جاستاعى بالالار مەن 30 جاسقا دەيىنگى مەديتسينا قىزمەتكەرلەرىن دە ۆاكتسيناتسيالاۋ ۇيىمداستىرىلدى.

ۇيىمداستىرىلعان ۇجىمدار مەن اسكەري بولىمدەردە ۆاكتسيناتسيالانباعان ادامداردى ۋاقىتشا شەتتەتۋدى قوسا العاندا, جوسپارلى ەمدەۋگە جاتقىزۋعا جانە ەپيدەمياعا قارسى رەجيمگە قويىلاتىن تالاپتار كۇشەيتىلگەن.

ورازا كەزىندە ەكپە سالدىرۋعا رۇقسات پا؟

مينيسترلىك قابىلدانعان شارالاردى ىسكە اسىرۋ قازىردىڭ وزىندە وڭ ناتيجە كورسەتىپ وتىرعانىن مالىمدەدى.

«الدىڭعى اپتامەن سالىستىرعاندا (417 جاعداي) قىزىلشا تىركەلۋ جاعدايلارى 311-گە دەيىن تومەندەدى. تومەندەگەنىنە قاراماستان, ەپيدەميولوگيالىق جاعداي ءالى تۇراقتى ەمەس. قىزىلشا دەرەگىنىڭ ەڭ كوبى استانا قالاسىندا تىركەلدى – 81 جاعداي, الماتى قالاسىندا – 48 جاعداي, الماتى وبلىسىندا – 57 جاعداي, باتىس قازاقستان وبلىسىندا – 29 جاعداي, اتىراۋ وبلىسىندا – 57 جاعداي جانە قوستاناي وبلىسىندا – 57 جاعداي. ناۋقاستاردىڭ نەگىزگى ۇلەسىن 14 جاسقا دەيىنگى ەكپە الماعان بالالار قۇرايدى», دەلىنگەن مينيسترلىك حابارلاماسىندا.

ەلىمىزدە پاپيللوما ۆيرۋسىنا قارسى ەكپە ەگۋ باستالادى

2026 جىلدىڭ باسىنداعى جاعداي بويىنشا قوسىمشا يممۋنداۋمەن 6-11 ايلىق 36,7 مىڭ بالا, جوسپارلى ۆاكتسيناتسيالاۋمەن 1 جاستاعى 21,4 مىڭ بالا (6,7%) جانە 6 جاستاعى 17 مىڭ بالا (4,7%) قامتىلعان.

مينيسترلىك احۋالعا مونيتورينگ جۇرگىزۋدى جانە دەن قويۋ شارالارىن ۇيلەستىرۋدى جالعاستىرىپ جاتىر. 

الماتىدا 12 مىڭنان استام قىز بالاعا جاتىر موينى وبىرىنا قارسى ەكپە جاسالدى