الي حامەنەي 28 اقپاندا اقش پەن يزرايل جۇرگىزگەن ارنايى اسكەري وپەراتسيادان كەيىن قازا تاپتى. بۇل اقپاراتتى 1 ناۋرىز كۇنى تاڭەرتەڭ يراننىڭ Tasnim, IRNA, ISNA, Mehr جانە Fars مەملەكەتتىك اگەنتتىكتەرى راستادى, دەپ جازادى Egemen.kz.
Fars اگەنتتىگىنىڭ حابارلاۋىنشا, حامەنەي تەگەرانداعى رەزيدەنتسياسىندا جۇمىس ورنىندا بولعان كەزدە قازا بولعان.
«يسلام رەۆوليۋتسياسىنىڭ ۇلى كوشباسشىسى, مارتەبەلى اياتوللا حامەنەي 28 اقپان, سەنبى كۇنى سيونيستىك رەجيم مەن اقش جاساعان تاڭعى شابۋىل ناتيجەسىندە شەيىت بولدى», دەلىنگەن مالىمدەمەدە.
ەل ۇكىمەتى 40 كۇندىك جالپىۇلتتىق ازا تۇتۋ جاريالاپ, جەتى كۇن دەمالىس كۇندەرىن بەلگىلەدى. حامەنەي يسلام رەسپۋبليكاسىن سوڭعى 36 جىل بويى باسقارعان.
يران پرەزيدەنتىنىڭ رەسمي Telegram-ارناسىندا كەلەسىدەي مالىمدەمە جاريالاندى:
«بۇل اۋىر قىلمىس جاۋاپسىز قالمايدى… ءبىز بۇل قىلمىستى ۇيىمداستىرىپ, جۇزەگە اسىرعانداردى وكىنۋگە ماجبۇرلەيمىز», دەلىنگەن.
سونداي-اق سەنبى كۇنى تەگەران قالاسىنا جاسالعان اقش پەن ءيزرايلدىڭ شابۋىلى سالدارىنان يراننىڭ قورعانىس كەڭەسىنىڭ حاتشىسى, ادميرال الي شامحاني جانە يسلام رەۆوليۋتسياسى ساقشىلارى كورپۋسىنىڭ (كسير) باس قولباسشىسى, گەنەرال-مايور موحامماد پاكپۋر قازا تاپقانى بەلگىلى بولدى.
يراننىڭ جوعارعى كوشباسشىسىنىڭ كەڭەسشىسى موحامماد موحبەر رەۆوليۋتسيا جەتەكشىسى قازا بولعاننان كەيىنگى وتپەلى كەزەڭدە جاۋاپكەرشىلىكتى ەل پرەزيدەنتى, سوت بيلىگىنىڭ باسشىسى جانە قامقورشىلار كەڭەسىنىڭ ءبىر فاكيحى ءوز موينىنا الاتىنىن مالىمدەدى.
40 ادام قازا تاپتى: يزرايل يرانداعى مەكتەپكە سوققى جاسادى ايتا كەتەيىك, يزرايل 28 اقپان كۇنى تاڭەرتەڭ يران مەملەكەتىن سوققىلادى. شابۋىلدى ەلدىڭ قورعانىس مينيسترى يسراەل كاتس راستادى. تەگەران قالاسىندا كەمىندە ءۇش جارىلىس بولدى. دونالد ترامپ يرانعا شابۋىل جاساۋدىڭ سەبەپتەرىن اتادى