اقمولا وبلىسى بۋراباي اۋدانىنا قاراستى ششۋچينسك قالاسىندا بەس قاباتتى تۇرعىن ۇيگە جاپسارلاس سالىنعان ءبىر قاباتتى كافەدە گاز-اۋا قوسپاسىنىڭ جارىلىسى بولىپ, ارتىنشا ءورت شىقتى. توتەنشە جاعدايدان 7 ادام قازا تاۋىپ, 13-ءى اۋرۋحاناعا جەتكىزىلگەن, دەپ جازادى Egemen.kz.
اقمولا وبلىستىق دەنساۋلىق ساقتاۋ باسقارماسىنىڭ باسشىسى نۇرلان ناريماننىڭ ايتۋىنشا, وقيعا ورنىنا جەدەل جاردەم بريگاداسى جەتكەنگە دەيىن 5 ادام وقيعا ورنىندا كوز جۇمعان. تاعى 2 ادام اۋرۋحاناعا جەتكىزىلگەننەن كەيىن قايتىس بولعان.
«قازىرگى تاڭدا 13 ادام مەديتسينالىق كومەك الىپ جاتىر. ولاردىڭ جاعدايى اۋىر جانە ورتاشا اۋىر دەپ باعالانىپ وتىر», دەدى ول.
ششۋچينسك اۋداندىق اۋرۋحاناسىندا زارداپ شەككەن 7 ادام ەم الىپ جاتىر. ولاردىڭ تورتەۋى اۋىر جاعدايدا جانساقتاۋ بولىمىندە بولسا, قالعان ۇشەۋى تراۆماتولوگيا بولىمىندە, جاعدايلارى ورتاشا اۋىر دەپ باعالانعان.
اقتوبەدەگى قۇس فابريكاسىندا ءورت شىقتى
سونىمەن قاتار, تۇنگى ۋاقىتتا التى ادام وبلىستىق اۋرۋحاناعا ەۆاكۋاتسيالانىپ, جانساقتاۋ بولىمىنە جاتقىزىلعان. وسىلايشا, اۋرۋحاناعا جەتكىزىلگەن 13 ادامنىڭ 10-ى اۋىر جاعدايدا, ۇشەۋى بەيىندى بولىمدە ورتاشا اۋىر حالدە ەم قابىلداپ جاتىر.
بۇعان دەيىن زارداپ شەككەندەردىڭ اراسىندا كىشكەنتاي بالا بار دەگەن اقپارات راستالمادى. دەسە دە 15 جاستاعى قىز اۋرۋحانادا كوز جۇمعان.
استانادا جۇك كولىگى ورتكە وراندى
بەرىلگەن مالىمەتتەرگە سايكەس, زارداپ شەككەندەردىڭ كوپشىلىگىن كۇيىك شالعان. كەيبىرىنىڭ جالىن سالدارىنان تىنىس الۋ جولدارى زاقىمدانىپ, ينگالياتسيالىق كۇيىك دياگنوزى قويىلعان.
وقيعاعا بايلانىستى قىلمىستىق ءىس قوزعالدى, الايدا ونىڭ ناقتى قاي باپ بويىنشا تىركەلگەنى ازىرگە بەلگىسىز.