جاڭگىر حان اتىنداعى باتىس قازاقستان اگرارلىق-تەحنيكالىق ۋنيۆەرسيتەتىنە يندونەزيا رەسپۋبليكاسىنىڭ قازاقستان جانە تاجىكستان مەملەكەتتەرىندەگى توتەنشە جانە وكىلەتتى ەلشىسى موحامماد فادجرۋل راحمان ءوز ارىپتەستەرىمەن بىرگە كەلدى, دەپ حابارلايدى Egemen.kz.
شەتەلدىك قوناقتار ۋنيۆەرسيتەت باسشىلىعىمەن كەزدەسىپ, ەكى ەلدىڭ جوعارى وقۋ ورىندارى اراسىندا حالىقارالىق دەڭگەيدە قارىم-قاتىناس ورناتۋ جايىندا ءسوز قوزعادى. جاڭگىر حان ۋنيۆەرسيتەتىنىڭ وقۋ جۇمىستارى جونىندەگى پرورەكتورى نۇركەن مارات ۇلى ەلشىلىك وكىلدەرىنە جوعارى وقۋ ورنىنىڭ ءبىلىم بەرۋ دەڭگەيى جانە عىلىمي الەۋەتى تۋرالى ايتىپ ءوتتى. توتەنشە جانە وكىلەتتى ەلشى موحامماد فادجرۋل راحمان يندونەزيادا اكادەميالىق ۇتقىرلىق باعدارلاماسى اياسىندا وقىعىسى كەلەتىن ستۋدەنتتەرگە قولداۋ كورسەتۋگە دايىن ەكەنىن ايتتى. بۇدان ءارى قوس تاراپ ەكى ەل اراسىنداعى بايلانىس جانە ءبىلىم-عىلىم سالالارى بويىنشا پىكىر الماستى.
وتاندىق سۋ ۇنەمدەۋ تەحنولوگياسى: عالىمدار ازىرلەگەن قۇرىلعىلار نارىققا قاشان شىعادى؟
يندونەزيا ەلشىلىگىنەن كەلگەن مەيماندار ستۋدەنتتەرمەن جانە وقىتۋشىلارمەن دە كەزدەستى. ەلشىلىكتىڭ الەۋمەتتىك-مادەني ءبولىمى قىزمەتكەرى اگۋڭ ساپۋترا ۋنيۆەرسيتەت جاستارىنا ءوز ەلىنىڭ باي مادەنيەتى مەن ونەرىن تانىستىرۋ ماقساتىندا ۇلتتىق ءبيىن بيلەپ بەردى. ەلشىلىكتىڭ تاعى ءبىر قىزمەتكەرى گۇلنۇر سەيسەنقۇلوۆا تانىمدىق ۆيكتورينا ۇيىمداستىرىپ, جاستاردىڭ كوڭىلىن سەرگىتتى. ەلشىلىكتەن كەلگەن تاعى ءبىر مەيمان ۋيليام جاياڭگا ءوزىنىڭ انا تىلىندە جانە قازاق تىلىندە ءان شىرقاپ, كوپشىلىكتى ءتانتى ەتتى. كەزدەسۋ سوڭىندا قوس تاراپ ءبىر-بىرىنە ەستەلىك سىيلىق تابىستاپ, دوستىق جانە ىنتىماقتاستىق بايلانىستى بەكىتە ءتۇستى.
ورالدىق عالىمدار جاڭا اگروجوبا ۇسىندى