قاسىم-جومارت توقاەۆ Mars كومپانياسىنىڭ باس اتقارۋشى ديرەكتورى پول ۆايراۋحتى قابىلدادى, دەپ حابارلايدى Egemen.kz اقوردانىڭ ءباسپاسوز قىزمەتىنە سىلتەمە جاساپ.
پرەزيدەنت قازاقستاننىڭ اۋىل شارۋاشىلىعى مينيسترلىگى مەن Mars كومپانياسى اراسىندا جالپى سوماسى 180 ميلليون دوللارعا جۋىقتايتىن ينۆەستيتسيالىق كەلىسىمگە قول قويىلعانىن قۇپتادى.
مەملەكەت باسشىسىنىڭ پىكىرىنشە, بۇل ۋاعدالاستىق ماڭىزدى ستراتەگيالىق سەرىكتەستىكتىڭ باستاۋى سانالادى جانە قازاقستان مەن اقش اراسىنداعى ىنتىماقتاستىقتىڭ دەڭگەيى جوعارى ەكەنىن كورسەتەدى.
جوبا اياسىندا Mars كومپانياسى الاتاۋ قالاسىندا ءۇي جانۋارلارىنا ارنالعان ازىق وندىرەتىن زاۋىت سالادى. ءوندىرىس ورنى اگروونەركاسىپ شيكىزاتىن تەرەڭ وڭدەۋگە جانە قوسىلعان قۇنى جوعارى تاۋار وندىرۋگە سەپتىگىن تيگىزەدى.
مەملەكەت باسشىسى Ashmore Group باسشىسىمەن بىرلەسكەن ينۆەستيتسيالىق جوبالاردى تالقىلادى
پول ۆايراۋح ءوزارا ءتيىمدى ينۆەستيتسيالىق كەلىسىمدى جۇزەگە اسىرۋعا قولداۋ كورسەتكەنى ءۇشىن قاسىم-جومارت توقاەۆقا العىس ايتتى. ول اتالعان باستاما Mars كومپانياسىنىڭ وندىرىستىك الەۋەتىن كەڭەيتۋگە جانە ورتالىق ازيا مەن كورشىلەس ايماقتار نارىعىنا ءونىم شىعارۋ كولەمىن ارتتىرۋعا مۇمكىندىك بەرەتىنىن جەتكىزدى.
قازاقستان مەن اقش كورپوراتسياسى بىرلەسكەن ينفراقۇرىلىم جوبالارىن تالقىلادى