ورتالىق رەفەرەندۋم كوميسسياسىنىڭ ۇندەۋى

ءتىزىمدى جەرگىلىكتى اتقارۋشى ورگاندار داۋىس بەرۋ ءۇشىن ناقتى ۋچاسكەنىڭ اۋماعىنداعى تۇرعىلىق­تى جەرىڭىز بويىنشا تۇراقتى تىركەلۋىڭىزدىڭ نەگىزىندە جاسايدى. ۋاقىتشا تىركەلگەن ازاماتتار بەرگەن ءوتىنىشى نەگىزىندە تىزىمگە ەنگىزىلەدى.

داۋىس بەرۋگە ارنالعان ۋچاسكەلەر مەن ولاردىڭ شەكارالارى تۋرالى مالىمەتتەردى ءتيىستى اكىمدەر 2026 جىلعى 21 اقپانعا دەيىن جاريالايدى. ءسىز ءوزىڭىزدىڭ ۋچاسكەڭىزدى ءبىلىپ, تىزىمگە ەنگىزىلگەنىڭىزدى تىركەل­گەن جەرىڭىز بويىنشا جەرگىلىكتى اتقارۋشى ورگانعا حابارلاسۋ ارقىلى تەكسەرە الاسىز. تىزىمدە بولماعان جاعدايدا, ءسىز اكىمدىككە ءتيىستى ءوتىنىش بەرۋگە قۇقىلىسىز.

2026 جىلعى 27 اقپاننان باس­تاپ داۋىس بەرۋ ۋچاسكەڭىزدە سىز­گە رەسپۋبليكالىق رەفەرەندۋم­عا قاتىسۋعا قۇقىعى بار ازاماتتار تىزىمىندەگى ءوزىڭىز تۋرالى دەرەكتەردى تەكسەرۋ مۇمكىندىگى بەرىلەدى. ەگەر قانداي دا ءبىر وزگەرىستەر ەنگىزۋ قاجەت بولسا, ءسىز دەرەۋ ۋچاسكەلىك رەفەرەندۋم كوميسسياسىنا وتىنىشپەن جۇگىنە الاسىز.

ءسىزدى ازاماتتىق جاۋاپكەرشىلىك تانىتۋعا جانە 2026 جىلعى 15 ناۋرىزدا رەسپۋبليكالىق رەفەرەندۋمعا قاتىسۋ قۇقىعىڭىزدى پايدالانۋعا شاقىرامىز!