بۇگىن ۇلتتىق اكادەميالىق كىتاپحانادا «حالىقارالىق زاڭگەرلەر قاۋىمداستىعى» قوعامدىق بىرلەستىگى جاڭا كونستيتۋتسيا جوباسىن تالقىلادى, دەپ جازادى Egemen.kz.
تالقىعا حالىقارالىق زاڭگەرلەر قاۋىمداستىعىنىڭ وكىلدەرى, حالىقارالىق قاتىناستار سالاسىنداعى ساراپشىلار, زاڭگەرلەر مەن قوعام قايراتكەرلەرى قاتىستى. قاتىسۋشىلار پرەزيدەنت قاسىم-جومارت توقاەۆ باستاماشى بولعان كونستيتۋتسيالىق رەفورمانى جانە ەلىمىزدىڭ بولاشاق دامۋى ءۇشىن ستراتەگيالىق ماڭىزى بار جاڭا اتا زاڭ جوباسىنىڭ نەگىزگى ەرەجەلەرىن سارالادى.
ءماجىلىس دەپۋتاتى, «حالىقارالىق زاڭگەرلەر قاۋىمداستىعىنىڭ» باسشىسى مارات باشيموۆتىڭ ايتۋىنشا, جاڭا كونستيتۋتسيا جوباسى ازاماتتاردىڭ قۇقى مەن بوستاندىعىنا بەرىلەتىن كەپىلدىكتەردى كەڭەيتىپ قانا قويماي, مەملەكەت پەن قوعام اراسىنداعى سەنىمدى نىعايتۋعا باعىتتالعان.
مارات شيبۇتوۆ: اتا زاڭ جوباسى جالپىحالىقتىق رەفەرەندۋمعا شىعارۋعا دايىن
ونىڭ ايتۋىنشا, جوبا ەرەجەسىنىڭ بارلىعى ادام قۇقى سالاسىنداعى حالىقارالىق ستاندارتتارعا تولىق سايكەس كەلەدى. قۇجاتتى ازىرلەۋ بارىسىندا بىرىككەن ۇلتتار ۇيىمى مەن ەۋروپا كەڭەسىنىڭ كونۆەنتسيالارىندا بەكىتىلگەن نورمالار مەن تاسىلدەر, سونداي-اق ەۋروپالىق قۇقىق پراكتيكاسى كەڭىنەن پايدالانىلعان.
جيىن قورىتىندىسى بويىنشا قاتىسۋشىلار جاڭا رەداكتسياداعى كونستيتۋتسياسى جوباسىن قولداۋ جونىندە حالىقارالىق زاڭگەرلەر قاۋىمداستىعىنىڭ رەزوليۋتسياسىن قابىلدادى.
رەزوليۋتسيا ماتىنىندە كونستيتۋتسيالىق كوميسسيا جۇمىسىنىڭ ناتيجەسىندە جاڭا نەگىزگى زاڭنىڭ تۇتاس ءارى لوگيكالىق قۇرىلىمى قالىپتاستىرىلعانى اتاپ وتىلگەن. كونستيتۋتسيانىڭ جاڭارتىلۋى پرەامبۋلا مەن كونستيتۋتسيالىق قۇرىلىستىڭ نەگىزدەرىنەن باستاپ, مەملەكەت پەن ازاماتتىق قوعام اراسىنداعى ءوزارا ءىس-قيمىل تەتىكتەرىنە دەيىنگى بارلىق بولىمدەردى قامتيدى. اتاپ ايتقاندا, حالىقتىق كەڭەس ينستيتۋتىن دامىتۋ, ادام قۇقىقتارىن قورعاۋدىڭ سوتتان تىس تەتىكتەرىن كەڭەيتۋ جانە مەملەكەتتىك باسقارۋ جۇيەسىن جەتىلدىرۋ ماسەلەلەرى قاراستىرىلعان.
كونستيتۋتسيالىق كوميسسيا جاڭا اتا زاڭدا ۆولونتەرلىك قىزمەت مارتەبەسىن بەكىتۋدى قولدادى
حالىقارالىق زاڭگەرلەر قاۋىمداستىعىنىڭ ساراپشىلارى 2026 جىلعى كونستيتۋتسيالىق رەفورمانىڭ ادامعا باعدارلانعان, ياعني ادامدى, ونىڭ قۇقى مەن بوستاندىعىن, قادىر-قاسيەتىن مەملەكەتتىك ساياساتتىڭ وزەگىنە قوياتىن مودەلگە نەگىزدەلگەنىن اتاپ ءوتتى. ادام مەن ازاماتتىڭ نەگىزگى قۇقى مەن بوستاندىعىنىڭ مازمۇنى زاماناۋي تالاپتارعا ساي جاڭارتىلىپ, ولاردى ىسكە اسىرۋدىڭ جاڭا قىرلارى اشىلعان. سونىمەن قاتار ادام كاپيتالىنىڭ, ءبىلىمنىڭ, عىلىم مەن يننوۆاتسيانىڭ دامۋى مەملەكەتتىڭ ستراتەگيالىق قىزمەت باعىتتارى رەتىندە ايقىندالعان.
رەزوليۋتسيادا كورسەتىلگەندەي, ۇسىنىلىپ وتىرعان كونستيتۋتسيالىق رەفورما قۇقىق قورعاۋ سالاسىنداعى مەملەكەتتىك تەتىكتەردىڭ تيىمدىلىگىن ارتتىرۋعا, ولاردى ءاربىر ازامات ءۇشىن قولجەتىمدى ءارى تۇسىنىكتى ەتۋگە مۇمكىندىك بەرەدى. جاڭا كونستيتۋتسيا جوباسىنىڭ پرەامبۋلاسىندا ناقتى بەلگىلەنگەن قۇقىقتىق مەملەكەت قاعيداتتارىنا سۇيەنەتىن كونستيتۋتسيالىق وزگەرىستەر مەملەكەت پەن قوعام اراسىنداعى سەنىمدى نىعايتۋعا, ادىلەتتىلىك پەن زاڭدىلىقتى قامتاماسىز ەتۋگە, ەلدىڭ ورنىقتى دامۋىنا باعىتتالعان.
قازاقستان حالىق پارتياسى وڭىرلەردە كونستيتۋتسيالىق رەفورما بارىسىن ءتۇسىندىردى
ۇسىنىلىپ وتىرعان وزگەرىستەردىڭ اۋقىمى مەن مازمۇنىن ەسكەرە وتىرىپ, حالىقارالىق زاڭگەرلەر قاۋىمداستىعى مەن حالىقارالىق قاتىناستار سالاسىنداعى ساراپشىلار قازاقستان رەسپۋبليكاسىنىڭ كونستيتۋتسياسىنىڭ جوباسىن قولدايتىنىن ءبىلدىردى. ساراپشىلار بۇل قۇجاتتىڭ قازىرگى زامان تالاپتارىنا, قوعامنىڭ سۇرانىستارىنا, بۇۇ-نىڭ ادام قۇقىقتارى سالاسىنداعى حالىقارالىق ستاندارتتارىنا جانە ەلىمىزدىڭ ستراتەگيالىق دامۋ ماقساتتارىنا تولىق سايكەس كەلەتىنىن اتاپ ءوتتى.