دەنساۋلىق ساقتاۋ مينيسترلىگىنىڭ حابارلاۋىنشا, ەلىمىزدە تۋبەركۋلەز جۇقتىرۋ دەڭگەيى 10%-عا تومەندەگەن. بىلتىرعى كورسەتكىشتەرگە زەر سالساق, تۋبەركۋلەز بويىنشا ەپيدەميولوگيالىق كورسەتكىشتەر ءبىرشاما جاقسارىپتى, دەپ جازادى Egemen.kz.
تۋبەركۋلەزدىڭ تارالۋ جيىلىگى 12,8%-عا قىسقارعان. اۋرۋدىڭ وسى تۇرىنەن بولاتىن ءولىم-ءجىتىم 10%-عا ازايعان. ستاتيستيكانىڭ جاقسارۋ سەبەبىن سالادا قابىلدانعان شەشىمدەردىڭ تيىمدىلىگىمەن بايلانىستىرساق بولادى. دەر ۋاعىندا جاسالعان ەمشارالاردان دا وڭ ناتيجە بار. مىسالى, دارىگە سەزىمتال تۋبەركۋلەزدەن جازىلۋ كورسەتكىشى 90,5%-دى كۇراسا, دارىگە ءتوزىمدى تۋبەركۋلەزدەن جازىلۋ كورسەتكىشى 85,3%-عا دەيىن جوعارىلاعان. بۇل كورسەتكىشتەر ءتىپتى دۇنيەجۇزىلىك دەنساۋلىق ساقتاۋ ۇيىمىنىڭ (ددۇ) ستاندارتتارىنان دا جوعارى.
تۋبەركۋلەزدى ەمدەۋدىڭ تىڭ ءادىسى
ەلىمىزدە تۋبەركۋلەزدىڭ الدىن الۋ, دياگنوستيكالاۋ جانە ەمدەۋ تەگىن مەديتسينالىق كومەكتىڭ كەپىلدەندىرىلگەن كولەمىنە كىرەدى. سونداي-اق بىزدەگى مەديتسينالىق-سانيتارلىق العاشقى كومەك كورسەتەتىن ۇيىمدار دەڭگەيىندە تۋبەركۋلەزدى ەرتە دياگنوستيكالاۋدىڭ زاماناۋي ادىستەرى ەنگىزىلگەن. GeneXpert اپپاراتى ارقىلى جۇرگىزىلەتىن (تۋبەركۋلەزگە پتر) زەرتتەۋ ناتيجەلەرى 2 ساعات ىشىندە دايىن بولادى.
استانالىق ستۋدەنتتەر وكپە وبىرىن ەرتە انىقتايتىن جۇيە ويلاپ تاپتى
دۇنيەجۇزىلىك دەنساۋلىق ۇيىمىنىڭ ۇسىنىمدارىنا سايكەس, دارىگە ءتوزىمدى تۋبەركۋلەز تۇرلەرىن ەمدەۋدە تيىمدىلىگى جوعارى, ينەكتسياسىز قىسقا مەرزىمدى 12 ايدان 6 ايعا دەيىن ەمدەۋ رەجيمدەرى قولدانىلادى. بۇل ەمدەۋ رەجيمدەرى قابىلداۋعا ىڭعايلى تابلەتكا تۇرىندە ۇسىنىلادى. تۋبەركۋلەز ينفەكتسياسىن پروفيلاكتيكالىق ەمدەۋ ءۇشىن 1 ايدان 3 ايعا دەيىنگى جاڭا قىسقا مەرزىمدى رەجيمدەر قولدانىلادى. بۇل قاۋىپ توبىنداعى تۇلعالار اراسىندا بەلسەندى تۋبەركۋلەزدىڭ دامۋىنىڭ الدىن الۋعا مۇمكىندىك بەرەدى.
عالام عاجاپتارى: تەمىر وكپە
جىل سايىن ناۋقاستاردىڭ 95%-دان استامى الەۋمەتتىك قولداۋمەن قامتىلادى. امبۋلاتوريالىق دەڭگەيدە ناۋقاستاردىڭ 40%-ى ەمدەۋدى بەينەباقىلاۋ رەجيمىندە قابىلدايدى. دەنساۋلىق ساقتاۋ مينيسترلىگى ءالى دە امبۋلاتوريالىق كومەك تۇرلەرىنە, پاتسيەنتتەردى الەۋمەتتىك قولداۋعا جانە ەلدەگى ەپيدەميولوگيالىق جاعدايدى ودان ءارى جاقسارتۋعا باعىتتالعان حالىقارالىق ستاندارتتاردى قولدانۋعا باسا نازار اۋدارىپ وتىر. سوندىقتان تۋبەركۋلەزدىڭ پروفيلاكتيكاسىن, ەرتە انىقتاۋ جانە قولجەتىمدى ەمدەۋدى دامىتۋ جونىندەگى جۇمىستار بۇرىنعىشا جالعاسادى.