قازاقستان رەسپۋبليكاسى كونستيتۋتسيالىق سوتى توراعاسىنىڭ ورىنباسارى باقىت نۇرمۇحانوۆ كونستيتۋتسيالىق كوميسسيانىڭ كەزەكتى وتىرىسىندا جاڭا كونستيتۋتسيا جوباسىنداعى سوت تورەلىگى جۇيەسىنە, جەرگىلىكتى باسقارۋعا جانە نەگىزگى زاڭعا وزگەرىستەر ەنگىزۋ تارتىبىنە قاتىستى ماڭىزدى وزگەرىستەر تۋرالى باياندادى, دەپ حابارلايدى Egemen.kz.
ونىڭ ايتۋىنشا, كونستيتۋتسيانىڭ سەگىزىنشى ءبولىمى – «سوت تورەلىگى. پروكۋراتۋرا. قۇقىق قورعاۋ تەتىكتەرى» اياسىندا سوت تورەلىگىنىڭ كونستيتۋتسيالىق قاعيداتتارى ايتارلىقتاي كۇشەيتىلگەن.
سوت ءىسىن جۇرگىزۋ نىساندارىنىڭ قاتارى ارتتى, سۋديالاردىڭ تاۋەلسىزدىگى نىعايدى. سوت جۇيەسىنىڭ كادر ماسەلەلەرى شەشىلدى. سونداي-اق ادۆوكاتۋرانىڭ قۇقىقتىق مارتەبەسى العاش رەت كونستيتۋتسيادا ناقتى بەكىتىلدى.
«بۇل – ادام قۇقىقتارى مەن بوستاندىقتارىن قورعاۋ كەپىلدىكتەرىن ارتتىرۋعا, سونداي-اق قوعامنىڭ سوت جۇيەسىنە دەگەن سەنىمىن كۇشەيتۋگە باعىتتالعان ماڭىزدى قادام», دەپ اتاپ ءوتتى باقىت نۇرمۇحانوۆ.سونىمەن قاتار ول كونستيتۋتسيانىڭ جەرگىلىكتى مەملەكەتتىك باسقارۋ مەن ءوزىن-ءوزى باسقارۋ ماسەلەلەرىنە ارنالعان توعىزىنشى ءبولىمى قۇرىلتايدىڭ قۇرىلۋى جانە ەلىمىزدە جۇرگىزىلىپ جاتقان اكىمشىلىك رەفورمانى ەسكەرە وتىرىپ قايتا قارالعانىن ايتتى. بىرقاتار نورمالار ناقتىلانىپ, مەملەكەتتىك باسقارۋدىڭ جاڭا جاعدايلارىنا بەيىمدەلگەن.
جاڭا كونستيتۋتسيا ساياسي جۇيەنى قالاي وزگەرتەدى؟
«بۇل ءبولىمنىڭ جاڭارتىلۋى مەملەكەت پەن قوعامنىڭ جەرگىلىكتى دەڭگەيدەگى ءوزارا ءىس-قيمىلىن ءتيىمدى ەتۋگە دەگەن ۇمتىلىستى كورسەتەدى», دەپ ناقتىلادى كونستيتۋتسيالىق سوت توراعاسىنىڭ ورىنباسارى.بۇدان بولەك, باقىت نۇرمۇحانوۆ كونستيتۋتسيادا جاڭا, ونىنشى ءبولىمنىڭ پايدا بولعانىنا نازار اۋداردى. بۇل ءبولىم نەگىزگى زاڭعا وزگەرىستەر مەن تولىقتىرۋلار ەنگىزۋ تارتىبىنە ارنالادى. سونداي-اق ول «قورىتىندى جانە وتپەلى ەرەجەلەر» دەپ اتالاتىن ون ءبىرىنشى ءبولىمنىڭ مازمۇنىنا توقتالدى.
كونستيتۋتسيالىق رەفورما: جاڭا ونىنشى بولىمدە نە جازىلعان؟
اتاپ ايتقاندا, بۇدان بىلاي كونستيتۋتسياعا وزگەرىستەر پرەزيدەنتتىڭ شەشىمىمەن جانە تەك جالپىحالىقتىق رەفەرەندۋم ارقىلى عانا ەنگىزىلەدى. سونىمەن بىرگە رەفەرەندۋم وتكىزۋ باستاماسىن كوتەرەتىن سۋبەكتىلەر قاتارىنا حالىق كەڭەسىن قوسۋدى كوزدەيتىن نورما قاراستىرىلعان.