21 قاڭتاردا قازاقستاندا ەڭ جاۋاپتى ءارى قاۋىپتى اسكەري ماماندىقتاردىڭ ءبىرىنىڭ كاسىبي مەرەكەسى – ينجەنەرلىك اسكەرلەردىڭ كۇنى اتالىپ وتىلەدى, دەپ حابارلايدى Egemen.kz.
ولاردىڭ قاتارىندا ساپەرلەر, ينجەنەر-بارلاۋشىلار, مەحانيك-جۇرگىزۋشىلەر, پونتونشىلار, كينولوگتار جانە باسقا دا ماماندار بار. اسكەري ينجەنەرلەر باعدارلاردى دايىنداۋ مەن قامتاماسىز ەتۋگە, فورتيفيكاتسيالىق قۇرىلىستار سالۋعا, مينالىق-جارىلعىش بوگەتتەردى ورناتۋ جانە زالالسىزداندىرۋعا, وتكەلدەر ۇيىمداستىرۋعا, سونداي-اق اسكەرلەردى سۋمەن قامتاماسىز ەتۋگە جاۋاپتى.
اسكەري ينجەنەرلەر توتەنشە جاعدايلاردىڭ سالدارىن جويۋعا دا تارتىلادى.
2024 جىلعى كوكتەمگى سۋ تاسقىنى كەزىندە ويىل جانە ەسىل وزەندەرى ارقىلى پاروم وتكەلدەرى ۇيىمداستىرىلىپ, 3 مىڭنان استام ادام ەۆاكۋاتسيالاندى, شامامەن 1,5 مىڭ تەحنيكا بىرلىگى وتكىزىلدى جانە 400 توننادان استام گۋمانيتارلىق كومەك جەتكىزىلدى.
قازاقستاندا اسكەري ەسەپكە الۋ ەرەجەلەرىنە وزگەرىستەر ەنگىزىلدى
سونىمەن قاتار ولاردىڭ مىندەتىنە اسكەري نىسانداردى بۇركەمەلەۋ نەمەسە يميتاتسيالاۋ كىرەدى. قاۋىپسىزدىكتى قامتاماسىز ەتۋدە ينجەنەرلىك-ساپەرلىك بولىمشەلەر ەرەكشە ءرول اتقارادى. ولار اۋماقتى مينالاردان تازالاۋ جۇمىستارىن جۇرگىزەدى. بۇل قىزمەت جوعارى كاسىبي دايىندىقتى, قاتاڭ ءتارتىپتى جانە كۇيزەلىسكە توزىمدىلىكتى تالاپ ەتەدى. ينجەنەرلىك اسكەرلەر زاماناۋي بارلاۋ قۇرالدارىمەن, روبوتوتەحنيكامەن, جەر قازۋ جانە پونتوندىق تەحنيكامەن جابدىقتالعان.
ەلىمىزدە اسكەري قىزمەتكەرلەردىڭ جالاقىسى وسەدى
وتاندىق ينجەنەرلەر حالىقارالىق ميسسيالارعا دا ەلەۋلى ۇلەس قوستى.
يراكتاعى وپەراتسيا بارىسىندا ولار 4 ملن-نان استام جارىلعىش زاتتى زالالسىزداندىرىپ, 6,7 مىڭ تەكشە مەتردەن استام سۋدى تازارتتى. قازىرگى زامانعى تەحنيكامەن جابدىقتالعان جانە بىلىكتى ماماندارمەن تولىقتىرىلعان ينجەنەرلىك اسكەرلەر ۇلتتىق قاۋىپسىزدىك جۇيەسىنىڭ ماڭىزدى قۇرامداس بولىگى بولىپ قالا بەرەدى.
اسكەري قىزمەتكە جارامدىلىق دارەجەسى تۋرالى انىقتامانى ونلاين الۋعا بولادى