رەسپۋبليكالىق دەڭگەيدە جۇزەگە اسىرىلىپ جاتقان «تازا قازاقستان» جالپىۇلتتىق ەكولوگيالىق سەنبىلىگىنىڭ ەڭ جاس بەلسەندى قاتىسۋشىسى ماراپاتتالدى, دەپ حابارلايدى Egemen.kz ماڭعىستاۋ وبلىسى بويىنشا قوعامدىق كوممۋنيكاتسيا ورتالىعىنا سىلتەمە جاساپ.
ماڭعىستاۋ وبلىسى ەكولوگيا دەپارتامەنتى ءباسپاسوز قىزمەتىنىڭ مالىمەتىنشە, «تازا قازاقستان» اكتسياسى اياسىندا وتكەن 45 كۇندىك «تازا ماڭعىستاۋ» چەللەندجىنىڭ ەڭ جاس قاتىسۋشىسى – قۇرىق اۋىلىنىڭ تۇرعىنى, 6 جاستاعى مەيىر ارمان ۇلى. ول قورشاعان ورتانى قورعاۋعا باعىتتالعان ءىس-شارالارعا تۇراقتى تۇردە قاتىسىپ, تازالىق مادەنيەتىن ناسيحاتتاۋعا ءوز ۇلەسىن قوسىپ كەلەدى. جاس بەلسەندىنىڭ ەكولوگيالىق جاۋاپكەرشىلىگى مەن بەلسەندى ازاماتتىق ۇستانىمى كوپشىلىككە ۇلگى رەتىندە باعالاندى.
تازا قازاقستان: الماتىدا جالپىقالالىق ەكولوگيالىق چەللەندج باستالدى
وسى ەڭبەگى ءۇشىن مەيىر ارمان ۇلى ەكولوگيا جانە تابيعي رەسۋرستار ۆيتسە-ءمينيسترى جومارت اليەۆتىڭ, سونداي-اق ماڭعىستاۋ وبلىسى ەكولوگيا دەپارتامەنتى باسشىسى ارمات جۇسىپقاليەۆتىڭ العىس حاتتارىمەن ماراپاتتالدى.
«تازا قازاقستان»: ونلاين-پلاتفورماعا استانالىقتاردان 3 600-دەن استام ءوتىنىم ءتۇستى
جاس ەكوبەلسەندىنىڭ بۇل جەتىستىگى وسكەلەڭ ۇرپاقتىڭ تابيعاتقا جاناشىر كوزقاراسىن قالىپتاستىرۋدىڭ ماڭىزىن ايقىنداپ, باسقا دا بالالاردى يگى ىسكە ىنتالاندىرادى.
ماڭعىستاۋ وبلىسى
مەملەكەت باسشىسى «تازا قازاقستان» اكتسياسىن ەرەكشە نازاردا ۇستايدى