كاسىپقوي بوكستا قازاقستاننىڭ ابىرويىن اسقاقتاتىپ جۇرگەن وتانداسىمىز جانىبەك ءالىمحان ۇلى بۇگىنگە دەيىنگى مانسابىندا قوماقتى قارجى تابىس تاپقان. ورتا سالماقتا WBO جانە IBF نۇسقالارى بويىنشا الەم چەمپيونى اتانعان بوكسشىنىڭ جالپى تابىسى شامامەن 1,5 ميلليون اقش دوللارىن قۇرايدى.
بۇل مالىمەتتى سپورت سالاسىنداعى شەتەلدىك SurpriseSports پورتالى جاريالادى. ساراپشىلاردىڭ مالىمەتىنشە, ءالىمحان ۇلىنىڭ تابىسى تەك جەكپە-جەكتەردەن الىنعان گونورارمەن شەكتەلمەيدى. وعان تەلەترانسلياتسيا ۇلەسى, دەمەۋشىلىك كەلىسىمدەر مەن جارنامالىق تابىستار دا كىرەدى.
7 جەلتوقساندا وتانداسىمىز WBA تۇجىرىمى بويىنشا «التىن بەلبەۋ» يەگەرى, كۋبالىق ەريسلاندي لارامەن قولعاپ تۇيىستىرۋگە ءتيىس بولعان. الايدا جەكپە-جەككە ساناۋلى كۇندەر قالعاندا جانىبەكتىڭ اعزاسىنان رۇقسات ەتىلمەگەن ءدارى-دارمەكتەردىڭ ءىزى انىقتالعانى حابارلانىپ, كەزدەسۋ رەسمي تۇردە توقتاتىلدى.