استاناداعى Madrid-3 تۇرعىن ءۇي كەشەنىنىڭ ۇلەسكەرلەرى ءوز پاتەرلەرىنىڭ كىلتىن ءۇشىنشى جىل قاتارىنان الا الماي ءجۇر. تۇرعىنداردىڭ ايتۋىنشا, ءۇيدى 2022 جىلى تاپسىرۋ قاجەت بولعان, الايدا نىسان ءالى كۇنگە دەيىن اياقتالماعان, ال قۇرىلىس كومپانياسى تۇرعىندارعا بوس ۋادە بەرىپ كەلگەن, دەپ حابارلايدى Egemen.kz.
كومپانيا باستاپقىدا ءۇيدى قازان ايىندا تاپسىرامىز دەدى, كەيىن قاراشاعا اۋىستىردى. ءتىپتى كومپانيا ۇلەسكەرلەرگە اقشالارىن قايتارىپ الۋدى سۇراعان, الايدا تۇرعىن ءۇي باعاسىنىڭ تۇراقتى وسۋىنە بايلانىستى بۇل نۇسقا ولارعا ءتيىمسىز.
ء«بىز قاراجاتتى سالىپ قويدىق, تۇرعىن ءۇي قۇرىلىسىنىڭ اياقتالۋىن شىداممەن كۇتتىك. بۇگىندە ولار پاتەرىمىزدىڭ كىلتىن تابىستاۋعا ءتيىس ەدى. بىراق ولار كەلىسىمدى بۇزعىزى كەلەدى. مەن 3,5 جىل بۇرىن بۇل ۇيگە اقشا سالدىم, ولار سول اقشانى قايتارۋعا دايىن, بىراق ماعان اقشا كەرەك ەمەس. ماعان پاتەر كەرەك. قازىر سول اقشاعا پاتەر ساتىپ الا الامىز با؟ مۇمكىن بە ول؟ جارتى پاتەردىڭ ءوزىن ازەر الامىز», دەيدى ۇلەسكەر جاۋحاز ساۋتباەۆا.
تامىز ايىندا تاعى ءبىر ۇلەسكەر گۇلنار سابيتوۆا سوت قۇجاتىندا كەشەننىڭ جىلۋ جۇيەسىنەن اجىراتىلۋى مۇمكىن دەگەن اقپارات شىققانىن كورىپ, سەبەبىن ءبىلۋ ءۇشىن رەسمي سۇراۋ جىبەرگەن. سونداي-اق جەر تەلىمىن بوساتۋ قاجەت بولۋى مۇمكىن دەگەن سوت شەشىمى دە تۇرعىنداردىڭ الاڭداۋىن كۇشەيتكەن.
جەرگىلىكتى تۇرعىنداردىڭ ايتۋىنشا, تاعى ءبىر ۇلكەن ماسەلە – ۇيدە جىلۋدىڭ جوقتىعى. كومپانيا وسى جانە باسقا دا كەمشىلىكتەردىڭ بار ەكەنىن مويىنداپ وتىر. قۇرىلىس كومپانياسىنىڭ رەسمي وكىلى 24KZ تەلەارناسىنا بەرگەن تۇسىنىكتەمەسىندە مۇنداي ولقىلىقتار قۇرىلىس مەرزىمىنىڭ سوزىلىپ كەتۋىنەن بولعانىن ايتتى.