پرەمەر-ءمينيستردىڭ ورىنباسارى – ۇلتتىق ەكونوميكا ءمينيسترى سەرىك جۇمانعاريننىڭ توراعالىعىمەن وتكەن ينفلياتسيانى تۇراقتاندىرۋ جونىندەگى كەزەكتى كەڭەستە ازىق-ت ۇلىك باعاسىن ۇستاپ تۇرۋعا باعىتتالعان قولدانىستاعى ءارى جەلتوقسان ايىنا جوسپارلانعان شارالار قارالدى.
قاراشانىڭ العاشقى ءۇش اپتاسىندا الەۋمەتتىك ماڭىزى بار ازىق-ت ۇلىك تاۋارلارىنىڭ باعاسى وسكەن جوق. جەلتوقسان – جىل سايىن تۇتىنۋشىلىق سۇرانىس ارتاتىن كەزەڭ. جيىنعا قاتىسۋشىلار سۋپەرماركەتتەر مەن بازار سورەلەرىندە سۇرانىسى جوعارى تاۋارلاردىڭ جەتكىلىكتى بولۋى مەن باعا تۇراقتىلىعىن قامتاماسىز ەتۋگە قاجەتتى شارالار كەشەنىن تالقىلادى.
ساۋدا جانە ينتەگراتسيا مينيسترلىگىنىڭ ساۋدا كوميتەتى الەۋمەتتىك ماڭىزى بار ازىق-ت ۇلىك تاۋارلارىنىڭ تىزبەسىن ۋاقىتشا كەڭەيتۋ تۋرالى جوبانى ازىرلەدى. ءتىزىم باعاسى ءجيى قۇبىلاتىن تاۋارلارمەن تولىقتىرىلدى. قۇجات – كەلىسۋ ساتىسىندا. جاقىن كۇندەرى بيزنەس قوعامداستىقپەن, «اتامەكەن» ۇكپ-مەن ەگجەي-تەگجەي تالقىلاۋلار وتكىزىلەدى.
وڭىرلەردە اۋىل شارۋاشىلىعى جارمەڭكەلەرى جالعاسىن تاۋىپ جاتىر. بيىل 5 مىڭنان اسا جارمەڭكە ءوتتى, ولار دەمالىس سايىن ۇيىمداستىرىلىپ وتىردى. جەلتوقسان ايىندا ساۋدا جەلىلەرىمەن بىرلەسىپ, رەسپۋبليكالىق «بەرەكە fest» اكتسياسى قايتا وتكىزىلمەكشى. بۇعان قوسا جەرگىلىكتى اكىمدىكتەر تاۋارلاردىڭ كەڭ تاڭداۋىن قولجەتىمدى باعامەن ۇسىنۋ ماقساتىندا جاڭا جىل الدىندا جارمەڭكەلەر ۇيىمداستىرادى.
يمپورتتىق ازىق-ت ۇلىككە دەگەن ماۋسىمدىق جوعارى سۇرانىستى ەسكەرە وتىرىپ, ساۋدا كوميتەتى ءىرى يمپورتتاۋشىلار مەن ازىق-ت ۇلىك جەتكىزۋشىلەرىنىڭ پۋلىن قالىپتاستىردى. جاقىن ۋاقىتتا ولارمەن جەلتوقسان ايىندا سۇرانىسى جوعارى تاۋارلاردىڭ باعا تۇراقتىلىعىن قامتاماسىز ەتۋ ماسەلەلەرى جونىندە كەزدەسۋلەر وتەدى.
كەڭەس قورىتىندىسىندا س.جۇمانعارين ساۋدا جانە ينتەگراتسيا مينيسترلىگىنە اكىمدىكتەرمەن بىرلەسىپ, باعا مونيتورينگىن تۇراقتى جۇرگىزۋدى, جاعدايعا وراي جەدەل ارەكەت ەتۋدى تاپسىردى.