مەملەكەت باعانى قولدان تەجەۋگە كىرىستى: بۇل مۇمكىن بە؟

ساۋدا جانە ينتەگراتسيا مينيسترلىگىنىڭ مالىمەتىنشە, مەملەكەتتىك رەتتەۋ اياسىنداعى 19 الەۋمەتتىك ماڭىزى بار ازىق-ت ۇلىك تاۋارىنىڭ باعاسى تۇراقتى دەڭگەيدە قالىپ وتىر. كۇزدىڭ باسىنان بەرى ولاردىڭ يندەكسى شامالى عانا وزگەرگەن: تامىزدا – 0%, قىركۇيەكتە – 0,2%, قازاندا – 0,2%.باعانىڭ تۇراقتىلىعىن ساقتاۋ ءۇشىن وتاندىق وندىرۋشىلەر مەن ساۋدا جەلىلەرىمەن تىكەلەي ءوزارا ءىس-قيمىل جولعا قويىلعان. اپتا سايىن باعا مونيتورينگى جۇرگىزىلىپ, ساۋدا ۇستەمەاقىلارىنىڭ شەكتى مولشەرىن ساقتاۋ قاتاڭ باقىلانادى. قازان ايىندا 400-دەن استام اۋىل شارۋاشىلىعى جارمەڭكەسى ۇيىمداستىرىلىپ, سونىڭ ىشىندە «بەرەكە Fest» جانە «Republic Day» اكتسيالارى وتاندىق ونىمدەردىڭ قولجەتىمدىلىگىن ارتتىرۋعا جانە باعانىڭ ءوسۋىن تەجەۋگە ىقپال ەتتى.كەڭەس بارىسىندا ازىق-ت ۇلىك ينفلياتسياسىنا اسەر ەتەتىن نەگىزگى فاكتورلار قاراستىرىلدى. مەملەكەتتىك رەتتەۋگە كىرمەيتىن, بىراق تۇتىنۋ سەبەتىنە ەنەتىن 160-تان استام ازىق-ت ۇلىك تاۋارىنىڭ باعاسىن تۇراقتاندىرۋ شارالارى جەكە تالقىلاندى.سونىمەن قاتار ءونىمنىڭ وزىندىك قۇنىن تومەندەتۋ ماسەلەلەرى كوتەرىلدى. بۇل باعىتتا جەمشوپ بازاسىن دامىتۋ جانە نەگىزگى شيكىزات تۇرلەرى — شيكى ءسۇت, كۇنباعىس تۇقىمى مەن ءداندى داقىلدار باعاسىن تۇراقتاندىرۋ تەتىكتەرى ايتىلدى.بولشەك ساۋداداعى باعا ءوسىمىن تەجەۋ جانە نارىقتاعى بولجامدىلىقتى ساقتاۋ ماقساتىندا ءىرى وندىرۋشىلەر مەن يمپورتتاۋشىلارمەن ەرىكتى تۇردە باعا بەلگىلەۋ جونىندە كەلىسىمدەر جاساۋ ۇسىنىلدى.«اۋىل شارۋاشىلىعى سۋبەكتىلەرىن سۋبسيديالاۋ قاعيدالارىنا وندىرىلگەن ءونىمنىڭ كەمىندە 50 پايىزىن ىشكى نارىقتا وتكىزۋ تالابى ەنگىزىلمەك. بۇل قادام ىشكى نارىقتى وتاندىق ءارى قولجەتىمدى ونىمدەرمەن تولىقتىرۋعا جانە ازىق-ت ۇلىك قاۋىپسىزدىگىن ارتتىرۋعا مۇمكىندىك بەرەدى, دەلىنگەن حابارلامادا. كەڭەسكە قاتىسۋشىلار سونداي-اق ساقتاۋ جۇيەسىنىڭ تيىمدىلىگىن ارتتىرۋ ماسەلەسىن تالقىلاپ, ءازىربايجان, وزبەكستان, تاجىكستان, قىرعىزستان جانە تۇرىكمەنستاننان جەمىس-جيدەك پەن كوكونىس جەتكىزۋ ءۇشىن «جاسىل ءدالىز» تەتىگىن ەنگىزۋ باستاماسىن قولدادى. بۇل ماۋسىمدىق باعا اۋىتقۋلارىن ازايتىپ, جاڭا ونىمدەردىڭ ۇزدىكسىز جەتكىزىلۋىن قامتاماسىز ەتەدى.سونداي-اق جەكەلەگەن تاۋار نارىقتارىندا باعانىڭ كۇرت تەڭگەرىمسىزدىگى نەمەسە الىپساتارلىق بەلگىلەرى بايقالعان جاعدايدا, مونوپولياعا قارسى ورگاننىڭ ۋاقىتشا باعا تۇراقتاندىرۋ شارالارىن ەنگىزۋ مۇمكىندىگى تالقىلاندى.الەۋمەتتىك ماڭىزى بار جانە باسقا دا ازىق-ت ۇلىك تاۋارلارىنىڭ باعاسىن تۇراقتاندىرۋ جۇمىسى ۆەدومستۆولار اراسىنداعى ءوزارا ءىس-قيمىلدى كۇشەيتۋ جانە نارىقتاعى جاعدايدى تۇراقتى باقىلاۋ ارقىلى جالعاسادى