الماتىلىق «قايرات» فۋتبول كلۋبى چەمپيوندار ليگاسىنىنىڭ جالپى كەزەڭىندەگى كەزەكتى ويىنىن ميلاندىق قۇراما «ينتەرگە» قارسى وتكىزەدى, دەپ جازادى Egemen.kz.
كەزدەسۋ 6 قاراشا كۇنى قازاقستان ۋاقىتىمەن 01:00-دە باستالادى. قوس تاراپ ايگىلى «سان-سيرو» الاڭىنداعى ماتچ الدىندا ءباسپاسوز جيىنىن وتكىزىپ, باق وكىلدەرىنىڭ ساۋالدارىنا جاۋاپ بەردى.
«قايراتتىڭ» باس باپكەرى رافاەل ۋرازباحتين ازۋلى كوماندامەن بولاتىن ويىن قۇراما ءۇشىن ماڭىزدى سىناق ەكەنىن اتاپ ءوتتى.
«سان-سيرو» – اتى اڭىزعا اينالعان ارەنا. مەن مۇندا سەگىز جىل بۇرىن ۇلدارىم جانە اكادەميانىڭ بالالارىمەن بىرگە كەلگەنمىن. ميلاندا كوپتەگەن وتانداستارىمىزدى كورىپ جاتىرمىز. ارينە, بۇل – زور قۋانىش.
ءبىز قارسىلاستارىمىزدىڭ مىقتىلىعىن جانە «ينتەر» جانكۇيەرلەرىنىڭ قولداۋى قاي دەڭگەيدە ەكەنىن بىلەمىز. مەن مۇنداي كۇشتى قارسىلاسقا قارسى وينايمىن دەپ ەشقاشان ويلاعان ەمەسپىن. كوماندا ءۇشىن ماڭىزدى سىناق بولاتىنى تۇسىنىكتى. دەسە دە, ءبىز بار كۇش-جىگەرىمىزدى كورسەتۋگە دايىنبىز», دەدى رافاەل ۋرازباحتين.
باپكەردىڭ پىكىرىن «قايرات» قورعاۋشىسى ەگور سوروكين دە قولداعان.
«قيىن ماتچ بولاتىنى بەلگىلى. ءبىز ايانىپ قالماي, ويىن بارىسىن باقىلاۋدا ۇستاۋعا تىرىسامىز. «ينتەر» شابۋىلشىلارى دا ءبىز سەكىلدى قاراپايىم ادام. ونىڭ ۇستىنە قورعانىستا جالعىز مەن بولمايتىنىم دا تۇسىنىكتى بولسا كەرەك», دەدى ەگور سوروكين.
ءوز كەزەگىندە «ينتەردىڭ» باس باپكەرى كريستيان كيۆۋ چەمپيوندار ليگاسى اياسىنداعى كەز كەلگەن ويىن ۇپاي ءۇشىن تارتىس ەكەنىن جەتكىزدى.
«بۇل - چەمپيوندار ليگاسى. الداعى ماتچقا باسقا ويىندارعا قالاي كوڭىل بولسەك, سول دەڭگەيدە قارايمىز. سوندىقتان 3 ۇپاي ءۇشىن بارىمىزدى سالا كۇرەسەمىز», دەدى «ينتەردىڭ» باس باپكەرى.
ال «ينتەردىڭ» قورعاۋشىسى كارلوس اۋگۋستو ۇپاي ەنشىلەۋمەن قاتار سوعىلعان دوپ سانى بويىنشا دا العا شىعۋعا تىرىساتىنىن اتاپ ءوتتى.
«چەمپيوندار ليگاسىندا مۇمكىندىگىنشە ءجيى جەڭىسكە جەتۋ, ۇپاي جيناۋ جانە گول ايىرماسى ماڭىزدى ەكەنىن بىلەمىز. كەز كەلگەن ماتچ وڭايعا تۇسپەيدى. ءبىز ءوز الاڭىمىزدا ەكەنىمىزدى ەسكەرسەك, باسىمدىق بار. قارسىلاس تا ميلاندا ۇيىمداسقان ويىن كورسەتۋگە ۇمتىلادى. ءبىز دە ءۇش ۇپاي الۋ ءۇشىن قولدان كەلگەننىڭ ءبارىن جاسايمىز», دەدى كارلوس اۋگۋستو.
«ينتەر» – «قايرات» كەزدەسۋىن «Qazaqstan» ۇلتتىق ارناسى تىكەلەي ەفيردە كورسەتەدى.