جۇرگىزۋشى inDrive قىزمەتى ارقىلى استانادان قوستانايعا شىققان. الايدا جولدا پوليتسەيلەر كۇدىك اڭعارىپ, كولىكتى توقتاتقان. تەكسەرە كەلە جۇرگىزۋشىنىڭ كۇماندى كۇشەيتكىشتەر اسەرىندە بولعانى انىقتالدى, دەپ جازادى Egemen.kz.
وقيعا «ەكاتەرينبۋرگ – الماتى» تاس جولىنىڭ 1006-شاقىرىمىندا, اقمولا وبلىسى اۋماعىندا بولعان. كولىك Toyota Alphard ماركالى.
2002 جىلى تۋعان جۇرگىزۋشى جەكە تاكسي قىزمەتىن زاڭسىز اتقارىپ كەلگەن. ول جولاقى رەتىندە 15 مىڭ تەڭگە العان. كولىكتە ءۇش جولاۋشى وتىرعان. ولاردىڭ ەكەۋى – جۇرگىزۋشىنىڭ تۋىستارى.
پاترۋل قىزمەتكەرلەرى جۇرگىزۋشىنىڭ مىنەز-قۇلقىنان ناشاقورلىق بەلگىلەرىن بايقاپ, مەديتسينالىق ساراپتاماعا جىبەرگەن. ساراپتاما قورىتىندىسى ونىڭ ەسىرتكى قولدانعان كۇيدە كولىك جۇرگىزگەنىن راستادى.
قازىر بۇل دەرەك بويىنشا اكىمشىلىك حاتتاما تولتىرىلىپ, جۇرگىزۋشىگە قاتىستى تەرگەۋ امالدارى جۇرگىزىلىپ جاتىر.