«سامارا-شىمكەنت» اۆتوكولىك جولىنىڭ اقتوبە وبلىسى اۋماعىنداعى بەلقوپا اۋىلىنىڭ جانىندا DAF جۇك كولىگى مەن «گازەل» اۆتوكولىگى سوعىسىپ, ەكى جۇرگىزۋشى مەن 10 جولاۋشى قايتىس بولدى دەپ حابارلايدى Egemen.kz اقتوبە وبلىسى پوليتسيا دەپارتامەنتى بەرگەن مالىمەتكە سۇيەنە وتىرىپ.
بەس جولاۋشى اۋرۋحاناعا جەتكىزىلگەن. قايتىس بولعانداردىڭ ءبارى «گازەل» اۆتوكولىگىنىڭ جولاۋشىلارى. كولىك ايتەكە بي اۋدانىنىڭ ورتالىعى تەمىربەك جۇرگەنوۆ اۋىلىنا جولاۋشىلار تاسىمالداۋمەن اينالىسقان. الدىن الا مالىمەت بويىنشا اپات جۇك كولىگىنىڭ قارسى قوزعالىس جولاعىنا شىعىپ كەتۋىنەن ورىن العان. وقيعا ورنىندا جەدەل تەرگەۋ توبى جۇمىس ىستەپ جاتىر.
اقتوبە وبلىسى