ستەيبلكويندى قاراپايىم حالىق قالاي قولدانادى؟

– قازىر كريپتوۆاليۋتا ۇعىمى كەڭىنەن تارادى. بىراق ونىڭ ىشىندە «ستەيبل­كوين» دەگەن ءتۇرى بار ەكەنىن بىرەن-سارانى عانا بىلەدى. بىلسە دە, تۇسىنە قويمايدى. بۇل دا كريپتوۆاليۋتا, بىراق ءبىر ماڭىزدى ايىرماشىلىعى بار. ول ايىرماشىلىق – باعا تۇراقتىلىعىندا.

مىسالى, بيتكوين سياقتى تانىمال كريپ­توۆاليۋتانىڭ باعاسى كۇن سايىن وز­گەرەدى. ءبىر كۇنى وسسە, كەلەسى كۇنى ءتۇسىپ كەتەدى. ال ستەيبلكويننىڭ باعاسى وزگەرمەيدى, سەبەبى ول ناقتى اقشاعا بايلانعان. ياعني 1 ستەيبلكوين ارقاشان 1 دوللار نەمەسە 1 تەڭگەگە تەڭ بولىپ قالادى. بۇل تۇراق­تىلىق ادامدارعا سەنىمدىلىك بەرەدى. ستەيبل­­كويننىڭ ارتىندا ناقتى اقشا نەمەسە قۇندى اكتيۆ تۇرادى. بوس تسيفر ەمەس. الەمدەگى ەڭ تانىمال ستەيبلكويندەردىڭ ءبىرى – «USDT» نەمەسە «Tether» دەپ اتالادى. بۇل مونەتانى شىعاراتىن كومپانيا ءاربىر شىعارىلعان مونەتاعا قارسى ناقتى دوللار مەن باعالى قاعازداردى رەزەرۆتە ۇستايدى.

تاعى ءبىر مىسال – «USDC» نەمەسە «USD Coin». بۇل – اقش-تا شىعارىلعان جوبا. وندا دا ءاربىر مونەتاعا ناقتى بانكتەگى دوللار تەڭەستىرىلگەن. بۇدان بولەك, كومپانيا اي سايىن اۋديت جاساپ, قوعامعا اشىق تۇردە ەسەپ بەرەدى. وسىلايشا, ادامدار تسيفرلىق اقشانىڭ شىن مانىندە دوللارعا بايلانعانىنا كوز جەتكىزىپ وتىرادى. كەيىنگى ۋاقىتتا ەلىمىزدە دە ءوزىمىزدىڭ ۇلتتىق ستەيبلكوين پايدا بولدى. ونىڭ اتاۋى – «EVO». تەڭگەگە بايلانعان. ياعني 1 «EVO» ءاردايىم 1 تەڭگەگە تەڭ. بۇل جوبانى «Intebix» كريپتوبيرجاسى مەن «ەۋرازيالىق بانك» بىرلەسىپ اتقارادى. «EVO» قازىر «مودەلى قۇمسالعىش» دەپ اتالاتىن ارنايى سىناق الاڭىندا تەكسەرىلىپ جاتىر.

ەندى قاراپايىم ادامدار ءۇشىن مۇنداي تسيفرلىق اقشانىڭ قانداي پايداسى بار ەكەنىن تۇسىندىرەيىك. بىرىنشىدەن, اقشانى تۇراقتى باعامەن ساقتاۋعا مۇمكىندىك بەرەدى. ەگەر ءسىز جيناعىڭىزدى دوللاردا ۇستاساڭىز, ونى «USDT» تۇرىندە ساقتاۋعا بولادى. باعاسى وزگەرمەيدى, ينفلياتسيا اسەر ەتپەيدى. ەكىنشىدەن, اقشا جىبەرۋ مەن الۋ وتە تەز بولادى. بانك ارقىلى اۋدا­رىم جاساساڭىز, كەيدە بىرنەشە ساعات نەمەسە ءتىپتى ءبىر تاۋلىك ۋاقىت كەتەدى. ال ستەيبلكوينمەن اقشا بىرنەشە مينۋتتا جەتەدى. كوميسسياسى دا از. ۇشىنشىدەن, فريلانسەرلەرگە وتە ىڭعايلى. قازىر ەلىمىزدە شەتەلدىك كومپانيالاردا جۇمىس ىستەيتىن ادامدار كوپ. ولار تاپقان اقشاسىن «USDT» ارقىلى وڭاي الادى. بۇل بانكتەگى ۇزاق تەكسەرىس پەن ايىرباس راسىمدەرىنەن بوساتادى. تاعى ءبىر پايدالى تۇسى – «EVO» ارقىلى ەل ىشىندە تەڭگەنى تسيفرلىق تۇردە جىبەرۋگە جانە الۋعا بولادى. بۇل اسىرەسە اۋىلدىق جەرلەردە تۇراتىن ادامدارعا ءتيىمدى. سەبەبى كەيبىر اۋىلداردا بانك بولىمشەلەرى جوق نەمەسە كارتالىق قىزمەتتەر شەكتەۋلى. ال «EVO» بولسا تەلەفون ارقىلى تەز جانە وڭاي جۇمىس ىستەيدى.

مىسالى, ستۋدەنت شەتەلدە وقىپ ءجۇر. اتا-اناسى وعان «EVO» نەمەسە «USDT» جىبەرەدى. اقشا سول ساتتە جەتەدى. نە بولما­سا, كاسىپكەر قىتايدان تاۋار الىپ كەلە­دى. ول بانك ارقىلى اۋدارىم جاساعان­شا, جەت­كىزۋشىگە «USDT» جىبەرىپ, ۋاقىت ۇنەم­دەي الادى. فريلانسەر اقش-تاعى كليەنت­تەن «USDC» الىپ, ونى بىردەن تەڭگەگە ايىر­­باستايدى.

مۇنىڭ ءبارى جاي عانا جاڭا تەحنولوگيا ەمەس, قارجى جۇيەسىنىڭ جاڭا باعىتى. ول ادامدارعا اقشانى ىڭعايلى ساقتاۋعا, تەز اۋدارۋعا جانە حالىقارالىق تولەمدەردى جەڭىل جاساۋعا كومەكتەسەدى. بولاشاقتا مۇن­داي تسيفرلىق ۆاليۋتالار كۇندەلىك­تى ءومىردىڭ ءبىر بولىگىنە اينالۋى ابدەن مۇم­كىن. بالكىم, بىر­نەشە جىلدان كەيىن ءبىز «EVO» سياقتى تسيفر­لىق تەڭگەمەن دۇكەندە تولەم جاساپ, كوم­مۋنالدىق قىزمەتكە اقشا اۋدا­رىپ جۇ­رە­تىن بولارمىز. سوندىقتان بۇگىننەن باستاپ بۇل جۇيەنى ءتۇسىنىپ, ۇيرەنە باستاعان دۇرىس.

دايىنداعان –

ەلىگىماي توڭكەر,

«Egemen Qazaqstan»