اريزونا ۋنيۆەرسيتەتىنىڭ استرونومدارى پلانەتانىڭ جاڭادان جارالىپ جاتقان ءساتىن سۋرەتكە ءتۇسىرىپ الدى. عالامشار جەردەن 437 جارىق جىلى قاشىقتىقتاعى WISPIT-2 جۇلدىز جۇيەسىندە ورنالاسقان, دەپ جازادى Egemen.kz.
بۇعان دەيىن عالىمدار تەك جۇلدىزدى اينالا قورشاعان گاز بەن شاڭ اراسىنداعى بوس كەڭىستىكتى كورىپ كەلگەن. سول جەرلەردى جاس پلانەتالار «تازالايدى» دەپ بولجام جاسالعانىمەن, ەشقاشان ناقتى دالەل بولماعان. ەندى مىنە العاش رەت جاس پلانەتانىڭ ءوزى كوزگە انىق ءتۇسىپ وتىر.
زەرتتەۋ چيليدەگى ماگەللان تەلەسكوپتارى ارقىلى جۇرگىزىلگكن. ارنايى MagAO-X تەحنولوگياسىنىڭ ارقاسىندا جەر اتموسفەراسىنىڭ اسەرى ازايىپ, عارىشتاعىداي انىق سۋرەت تۇسىرۋگە مۇمكىندىك تۋعان.
سۋرەتتەن پلانەتا جۇلدىزىنان شامامەن 56 استرونوميالىق قاشىقتىقتا ورنالاسقانى بايقالادى. ول سۋتەگىنى وزىنە تارتىپ, قىزعان بەتىندە پلازماعا اينالدىرىپ, جارىق شىعارادى.
عالىمداردىڭ ايتۋىنشا, بۇل كورىنىس كۇن جۇيەسىنىڭ العاشقى ميلليونداعان جىلدارداعى بەينەسىن ەسكە سالادى. ياعني يۋپيتەر مەن ساتۋرن ءدال وسىلاي پايدا بولعان بولۋى مۇمكىن. ايىرماشىلىعى — جاڭا تابىلعان پلانەتا ءبىزدىڭ باسقا عالامشارلاردان ون ەسە ىرى.