وليمپيادا جۇلدەگەرىنەن ۇتىلدى

ىرىكتەۋ سايىستارىن وتە سە­نىمدى وتكىزگەن ول بىرقاتار اسا ءىرى حالىقارالىق تۋرنيرلەردىڭ جەڭىمپازى, مالتالىق امىر­رەزا ءابباسيدى, الەم چەمپيوناتى­نىڭ تولىق جۇلدە جيىنتىعى­نىڭ يەگەرى, ەۋروپا ويىندارى­نىڭ كۇمىس جۇلدەگەرى, ەۋروپا چەمپيونى شۆەتسيالىق ماتتياس فالكتى, الەم كۋبوگىنىڭ قولا جۇل­دەگەرى انگليالىق توماس دجار­ۆيسوندى جولىنان ىعىستىردى. 

1/32 فينالدا ك.گەراسيمەنكو سيمون گوزيمەن كەزدەستى. 30 جاستاعى فرانتسيا سپورت­شى­سىنىڭ وليمپيا ويىندارىنىڭ قولا, الەم چەمپيوناتىنىڭ كۇ­مىس جۇلدەگەرى دەگەن اتاعى بار. ودان بولەك, ەۋروپا ويىندارىندا ەكى (1 كۇمىس, 1 قولا), قۇرلىق بىرىنشىلىگىندە التى رەت (1 كۇمىس, 5 قولا) جەڭىس تۇعىرىنا كوتەرىلگەن. وكىنىشكە قاراي, ازۋلى ويىنشىعا جەرلەسىمىزدىڭ ءالى جەتپەدى. ءۇش پارتيالىق سايىس گوزيدىڭ پايداسىنا شەشىلدى.

بەيجىڭدەگى باسەكەدە الەمدىك رەيتينگتىڭ الدىڭعى لەگىندە تۇرعان ۆان چۋتسين (قىتاي, №1), لين شيدۋن (قىتاي, №2), ۋگو كالدەرانو (برازيليا, №3), توموكازي حاريموتو (جاپونيا, №4), ترۋلس مورەگارد (شۆەتسيا, №5), ليان تسزينكۋن (قىتاي, №6), فەليكس لەبرۋن (فرانتسيا, №7), بەنەديكت دۋدا (گەرمانيا, №8), سيان پەن (قىتاي, №9), داركو يورگيچ (سلوۆەنيا, №10) سىندى ايگىلى ۇستەل تەننيسشىلەرى كۇش سىناسىپ جاتىر.