فاستفۋد ساناۋلى كۇن ىشىندە مي قىزمەتىن ناشارلاتادى. اقش-تا جۇرگىزىلگەن زەرتتەۋلەر فاستفۋدتىڭ ادامنىڭ ەستە ساقتاۋ قابىلەتى مەن ويلاۋ جۇيەسىنە كەرى اسەر ەتەتىنىن كورسەتتى.
عالىمداردىڭ ايتۋىنشا, جوعارى كالوريالى, مايى مەن قانت مولشەرى كوپ تاعامداردى تۇتىنۋ مي قىزمەتىنىڭ السىرەۋىنە الىپ كەلەدى. ەڭ الاڭداتاتىنى – مۇنداي وزگەرىس ساناۋلى كۇننىڭ ىشىندە-اق بايقالۋى مۇمكىن. زەرتتەۋ ناتيجەسى بويىنشا ماسەلە زياندى تاعامنىڭ قۇرامىندا عانا ەمەس, وعان ميدىڭ قالاي ارەكەت ەتەتىنىنە دە بايلانىستى. سونىمەن قاتار فاستفۋد بۇلشىق ەت پەن جۇيكە جۇيەسىنىڭ بايلانىسى بۇزىلىپ, كوگنيتيۆتى فۋنكتسيالاردىڭ السىرەۋىنە اكەلەدى. مامانداردىڭ پىكىرىنشە, فاستفۋدتى ۇنەمى تۇتىنۋ ادامنىڭ جالپى دەنساۋلىعىنا عانا ەمەس, پسيحيكالىق كۇيىنە دە تەرىس اسەر ەتەدى.