الماتىدا جەڭىل كولىك پەن تۋريستىك اۆتوبۋس سوقتىعىسىپ, ءبىر ادام جاراقات الدى, دەپ حابارلايدى Egemen.kz.
وقيعا 22 قىركۇيەكتە تاڭعى ساعات 5:50 شاماسىندا نازارباەۆ داڭعىلىندا تىركەلگەن. الدىن الا دەرەكتەرگە سايكەس, Mitsubishi Lancer جۇرگىزۋشىسى سولتۇستىك باعىتتا قوزعالىپ كەلە جاتىپ, كولىكتى باسقارا الماي قارسى جولاققا شىققان. وسى ساتتە ول Setra ماركالى تۋريستىك اۆتوبۋسپەن سوقتىعىسقان.
جول اپاتى سالدارىنان جەڭىل كولىك جۇرگىزۋشىسى جاراقات الىپ, قالالىق اۋرۋحاناعا جەتكىزىلدى.
پوليتسيا دەپارتامەنتى بۇل فاكتى بويىنشا تەكسەرىس جۇرگىزىلىپ جاتقانىن, ونىڭ ناتيجەسىندە جۇرگىزۋشىنىڭ ارەكەتىنە قۇقىقتىق باعا بەرىلەتىنىن حابارلادى.