جەتىسۋ وبلىسىندا «تازا قازاقستان» اكتسياسى اياسىندا ۇيىمداستىرىلعان «تازا بەيسەنبى» جالپىۇلتتىق ەكولوگيالىق كۇنىنە 6 مىڭنان استام ادام قاتىستى. شاراعا ءبىلىم بەرۋ, دەنساۋلىق ساقتاۋ, مادەنيەت, سپورت, الەۋمەتتىك قورعاۋ سالالارىنىڭ قىزمەتكەرلەرى, سونداي-اق ءتۇرلى مەكەمەلەر مەن كاسىپورىن ۇجىمدارى اتسالىستى, دەپ جازادى Egemen.kz.
اكتسيا بارىسىندا كوشەلەر مەن جول بويى, مەكەمەلەر ماڭى, تۇرعىن ۇيلەردىڭ اۋلالارى تازارتىلىپ, ناتيجەسىندە 367 توننا قوقىس شىعارىلدى. سونىمەن قاتار 317 گەكتار جەر تازالانىپ, 1500-دەن استام اعاش كوشەتى وتىرعىزىلدى.
تالدىقورعان قالاسى اكىمىنىڭ ورىنباسارى قۋانىش سەيتىمبەتوۆ تابيعاتتى قورعاۋ كۇندەلىكتى ءومىر سالتىنا اينالۋى قاجەتتىگىن اتاپ ءوتتى. ال وبلىستىق جولاۋشىلار كولىگى جانە اۆتوموبيل جولدارى باسقارماسىنىڭ وكىلى نۇرلان دالدىباەۆ ۇجىمداردىڭ تۇراقتى تۇردە مۇنداي شارالارعا بەلسەندى قاتىساتىنىن جەتكىزدى.
ءىس-شاراعا تالدىقورعانداعى №8 ورتا مەكتەپ ۇجىمى دا اتسالىسىپ, وقۋشىلار مەن ۇستازدار مەكتەپ اۋماعىن تازالاپ, جاسىل جەلەككە كۇتىم جاسادى. مەكتەپ ديرەكتورى سامعات دولاەۆ مۇنداي ءداستۇر وقۋشىلاردىڭ ءتارتىبىن نىعايتىپ, ەكولوگيالىق مادەنيەتىن ارتتىرۋعا ىقپال ەتەتىنىن ايتتى.
ايتا كەتسەك, 20 قىركۇيەكتە وبلىس كولەمىندە جالپى سەنبىلىك وتپەك.