وسكەمەن قالاسىندا اۋقىمدى ەكولوگيالىق اكتسيا – World Cleanup Day («دۇنيەجۇزىلىك تازالىق كۇنى») ۇيىمداستىرىلدى, دەپ جازادى Egemen.kz.
قاتىسۋشىلار مەكتەپتەردىڭ, ۇيىمدار مەن كاسىپورىنداردىڭ بەكىتىلگەن اۋماقتارىن تازالادى. ەكوۆولونتەرلەر مەن مەملەكەتتىك قۇرىلىمداردىڭ نەگىزگى ايماعى شمەلەۆ لوگ اۋماعى بولدى.
ەسكە سالا كەتەيىك, ەكولوگيالىق باستاما گلۋبوكوە اۋدانىن دا قامتىپ, كمم «مالو-ۋبا ورمان شارۋاشىلىعىنىڭ» اۋماعىندا 113 مىڭ ءسىبىر شىرشاسىنىڭ كوشەتى وتىرعىزىلدى.
جالپى وبلىس بويىنشا وتكەن اكتسيالارعا شامامەن 1000 ادام قاتىستى: مەملەكەتتىك ورگاندار مەن كاسىپورىن قىزمەتكەرلەرى, وقۋشىلار, ستۋدەنتتەر, ۇەۇ وكىلدەرى, ەرىكتىلەر جانە بەلسەندى قالا تۇرعىندارى.
اكتسيا «تازا قازاقستان» باستاماسى اياسىندا شقو اكىمدىگىنىڭ, وسكەمەن قالاسى اكىمدىگىنىڭ, تابيعي رەسۋرستار جانە تابيعات پايدالانۋدى رەتتەۋ باسقارماسىنىڭ, شقو ەكولوگيا دەپارتامەنتىنىڭ جانە قوعامدىق ەكولوگيالىق قوزعالىستاردىڭ قولداۋىمەن ءوتتى.
ايتا كەتەيىك, قر ەكولوگيا جانە تابيعي رەسۋرستار مينيسترلىگى شارا قورىتىندىسىن قازاقستان رەكوردتار كىتابى – «قاەا»-عا ەنگىزۋگە ءوتىنىم بەردى.
دۇنيەجۇزىلىك تازالىق كۇنى جىل سايىن 190-نان استام ەلدى بىرىكتىرەدى, ال قازاقستان بۇل باستامانى ءداستۇرلى تۇردە بەلسەندى قولداپ كەلەدى.