اتوم ەنەرگەتيكاسى حالىقارالىق اگەنتتىگىنىڭ (اەحا) باس كونفەرەنتسياسى اياسىندا اتوم ەنەرگياسى جونىندەگى اگەنتتك توراعاسى الماسادام ساتقاليەۆ پەن اەحا باس ديرەكتورىنىڭ ورىنباسارى ميحايل چۋداكوۆ اراسىندا جۇمىس كەزدەسۋى ءوتتى, دەپ حابارلايدى Egemen.kz.
كەزدەسۋدە ۇلتتىق اتومدىق ينفراقۇرىلىمدى دامىتۋ, اتوم ەنەرگياسىن بەيبىت ماقساتتا پايدالانۋ جونىندەگى اەحا باعدارلامالارى اياسىنداعى ىنتىماقتاستىق, سونداي-اق قازاقستاننىڭ يادرولىق ەنەرگەتيكا سالاسىنداعى باسىمدىقتارى تالقىلاندى. ەرەكشە نازار يادرولىق قاۋىپسىزدىك ماسەلەلەرىنە, بىلىكتى كادرلار دايارلاۋعا جانە سالانى دامىتۋدىڭ ۇزاق مەرزىمدى ستراتەگياسىن ىسكە اسىرۋعا اۋدارىلدى.
ء«بىز اەحا تاراپىنان كورسەتىلىپ وتىرعان جان-جاقتى قولداۋدى, سونىڭ ىشىندە ساراپتامالىق سۇيەمەلدەۋدى جانە وزىق تاجىريبەمەن الماسۋدى جوعارى باعالايمىز. قازاقستان اەحا-نى قاۋىپسىز ءارى تۇراقتى اتوم ەنەرگەتيكاسىن دامىتۋداعى نەگىزگى سەرىكتەس رەتىندە قاراستىرادى ءارى اگەنتتىك باستامالارى اياسىندا بەلسەندى ىنتىماقتاستىقتى جالعاستىرۋ نيەتىندە», دەدى الماسادام ساتقاليەۆ.
كەزدەسۋ قورىتىندىسى بويىنشا تاراپتار بىرلەسكەن جوبالاردى تابىستى ىلگەرىلەتۋ مەن اتوم سالاسىنداعى حالىقارالىق ىنتىماقتاستىقتى نىعايتۋ ماقساتىندا كۇش-جىگەردى ودان ءارى ۇيلەستىرۋگە دايىن ەكەندەرىن راستادى.