2025 جىلدىڭ العاشقى سەگىز ايىندا قازاقستاندا 77 951 نەكە راسىمدەلىپ, 226 803 بالا ومىرگە كەلگەن, دەپ حابارلايدى Egemen.kz.
«ازاماتتارعا ارنالعان ۇكىمەت» مەملەكەتتىك كورپوراتسياسىنىڭ مالىمەتىنشە, جاستار نەكە قيۋ ءۇشىن كوبىنەسە ماڭىزدى كۇندەردى تاڭدايدى. مىسالى, 9 قىركۇيەك – قوس توعىز توعىسقان كۇنى 631 جۇپ نەكەسىن تىركەگەن, سونداي-اق ءدال سول كۇنى 1 195 ءسابي دۇنيەگە كەلگەن.
ەستەرىڭىزگە سالا كەتەيىك, نەكەگە تىركەلۋ ءۇشىن ءوتىنىشتى كەمىندە 15 كۇن بۇرىن تاپسىرۋ قاجەت. بۇل قىزمەتتى حالىققا قىزمەت كورسەتۋ ورتالىقتارىندا, ەلەكتروندىق ۇكىمەت پورتالىندا نەمەسە بانكتەردىڭ ءموبيلدى قوسىمشالارى ارقىلى الۋ مۇمكىن. ونلاين ءوتىنىش تەك قازاقستان ازاماتتارى ءۇشىن قولجەتىمدى, ال بولىمشەلەرگە كەز كەلگەن ازامات بارا الادى.