«AIRI» جانە سكولتەح عالىمدارى ادامنىڭ بيولوگيالىق جاسىن انىقتايتىن الەمدەگى العاشقى اشىق پلاتفورمانى جاسادى. بۇل جۇيە «قارتايۋ ساعاتى» دەپ اتالادى.
بيولوگيالىق جاس ادامنىڭ قۇجاتتاعى جاسىمەن سايكەس كەلمەۋى مۇمكىن. ول اعزانىڭ شىنايى جاعدايىن كورسەتەدى. ەگەر بيولوگيالىق جاس جوعارى بولسا, ءتۇرلى اۋرۋدىڭ قاۋپى ارتادى. جاڭا جوبا دنق مەتيلدەنۋ دەرەگىنە نەگىزدەلگەن. عالىمدار 17 مىڭنان استام ۇلگىنى تالداپ, الەمدەگى 13 تانىمال مودەلدى سىناقتان وتكىزگەن. ناتيجەسىندە, يەل ۋنيۆەرسيتەتىنىڭ پروفەسسورى مورگان لەۆين ازىرلەگەن «PhenoAge» مودەلى ەڭ ءتيىمدى ءادىس دەپ تانىلدى. مۇنداي ساعات دارىلەردىڭ اسەرىن باعالاۋعا, دەنساۋلىقتى باقىلاۋعا, ادامنىڭ ۇزاق ءومىر ءسۇرۋ الەۋەتىن انىقتاۋعا كومەكتەسەدى.