قازىرگى زاماندا جاساندى ينتەللەكت ۇلگىلەرىنىڭ ەلەكتر ەنەرگياسىن وراسان كوپ تۇتىنۋى الاڭداۋشىلىق تۋدىرىپ وتىر. اقش عالىمدارى بۇل تۇيتكىلگە تىڭ شەشىم ۇسىندى.
زەرتتەۋشىلەر جاساعان فوتوندى چيپ جاساندى ينتەللەكتىنىڭ ەڭ كۇردەلى ەسەپتەرىن جىلدام ورىنداي وتىرىپ, ەنەرگيا شىعىنىن ايتارلىقتاي ازايتادى. مۇندا فرەنەل لينزالارى مەن تولقىن ۇزىندىقتارىن مۋلتيپلەكستەۋ ءادىسى قولدانىلعان. مامانداردىڭ ايتۋىنشا, مۇنداي تەحنولوگيا بولاشاقتا جي-ءدىڭ تيىمدىلىگىن ارتتىرىپ قانا قويماي, ونى ەكولوگيالىق تۇرعىدان دا قاۋىپسىز ەتەدى.