ءبىز كوبىنە جەردىڭ «وكپەسى» دەپ ورمانداردى اتايمىز. الايدا عىلىم دەرەكتەرى باسقا اقيقاتتى كورسەتىپ وتىر. عالامدىق اتموسفەراداعى وتتەگىنىڭ 50–80 پايىزى ورماننان ەمەس, تەڭىز تۇبىندە تىرشىلىك ەتەتىن ميكروورگانيزمدەر مەن بالدىرلاردان وندىرىلەدى.
كىشكەنتاي اعزالار فوتوسينتەز ارقىلى كۇن ساۋلەسىن ءسىڭىرىپ, بۇكىل تىرشىلىك ءۇشىن ەڭ ماڭىزدى ەلەمەنت – وتتەگىنى ءبولىپ شىعارادى. دەمەك, ءار تىنىستاعان سايىن ورماندارعا عانا ەمەس, سوناۋ مۇحيت تۇبىندەگى كورىنبەيتىن جاراتىلىستارعا دا قارىزدارمىز. عالىمدار اتاپ وتكەندەي, تەڭىزدەگى فيتوپلانكتون, بالدىرلار مەن كەيبىر باكتەريالار – اتموسفەرالىق تەپە-تەڭدىكتىڭ باستى ساقشىلارى.