قىتايدىڭ حۋاتسزيان كانونىندا الەمدەگى ەڭ الىپ كوپىر سالىنىپ جاتىر. قۇرىلىس قىركۇيەك ايىنىڭ سوڭىندا اياقتالادى دەپ جوسپارلانعان.
بۇل جوبا ءبىر ەمەس, بىرنەشە رەكورد ورناتىپ وتىر. كوپىردىڭ ۇزىندىعى – 2 890 مەتر, سالماعى – 22 مىڭ توننا. ونىڭ باستى ەرەكشەلىگى – 625 مەترلىك تەرەڭ كانوندى جالعاپ تۇرۋى. ياعني ول الەمدەگى ەڭ بيىك ءارى ەڭ الىپ كوپىر مارتەبەسىن يەلەنبەك. قۇرىلىسشىلارعا مۇنداي اۋقىمدى نىساندى تۇرعىزۋ ءۇشىن تاۋلاردى ءتىلىپ, اسا كۇردەلى ينجەنەرلىك شەشىمدەر قابىلداۋعا تۋرا كەلگەن. كوپىر تەك جول قاتىناسىنا عانا ەمەس, ايماقتىڭ ەكونوميكالىق دامۋىنا سەرپىن بەرمەك. جوبا ىسكە قوسىلعان سوڭ كولىكتەر بۇرىن بىرنەشە ساعاتتا جۇرگەن جولدى نەبارى بىرنەشە مينۋتتا ءجۇرىپ وتەتىن بولادى.