جاز شىقسا, بارشامىزدى مازالايتىن جاندىكتىڭ ءبىرى – ماسا. كىم-كىمنىڭ دە ويىنا «وسى تىرشىلىك يەسى جوق ەل بار ما ەكەن؟» دەگەن ساۋال كەلۋى مۇمكىن. سويتسەك, دۇنيەدە ونداي جەر بار ەكەن.
بۇل مەملەكەت – يسلانديا. وندا ماسانىڭ بىردە-ءبىر ءتۇرى كەزدەسپەيدى. قىزىعى, وعان جاقىن ورنالاسقان نورۆەگيادا دا, شوتلانديا مەن يرلانديادا دا, ءتىپتى گرەنلانديادا دا ماسا بار. عالىمدار ناقتى سەبەبىن تاپپاعانىمەن, تابيعي جاعدايعا بايلانىستى بولۋى ىقتيمال دەگەن تۇجىرىم ايتادى. ياعني يسلانديانىڭ قۇبىلمالى كليماتىنا نازىك جاندىكتەر بەيىمدەلە المايدى ەكەن.