قىتاي عالىمدارى جارىق جەتپەيتىن, ادام اياعى تيمەگەن تىنىق مۇحيتىنىڭ 9500 مەتر تەرەڭدىگىندەگى ءتىرى ورگانيزمدەردى تاپتى.
بۇل بۇرىنعى 8750 مەترلىك رەكوردتى جاڭارتىپ, تىرشىلىكتىڭ قانداي ەكسترەمالدى جاعدايدا دا ساقتالاتىنىن دالەلدەپ وتىر. ونداعى تىرشىلىك مەتان مەن سۋتەگى سۋلفيدىنە باي سۇيىقتىقتاردىڭ كومەگىمەن ءومىر سۇرەدى, ياعني كۇن ساۋلەسىنسىز حيميالىق رەاكتسيالار ارقىلى تاماقتانادى. عالىمدار ەندى مۇنداي تىرشىلىكتىڭ ەرەكشە قىسىم مەن سۋىققا قالاي توتەپ بەرەتىنىن, ونىڭ عالامدىق كومىرتەگى اينالىمىنداعى ءرولىن زەرتتەۋدى جوسپارلاپ وتىر.