فرانتسۋز يمپرەسسيونيزمىنىڭ نەگىزىن قالاۋشىلاردىڭ ءبىرى كلود مونە – تابيعاتتى, جارىق پەن تۇستەردى ەرەكشە نازىكتىكپەن بەينەلەگەن سۋرەتشى. بىراق كوپشىلىك بىلە بەرمەيتىن ءبىر قۇپيا بار.
ول ءومىرىنىڭ سوڭىنا قاراي تۇستەردى وزگەشە, مۇلدە باسقا رەڭكتەرمەن كورە باستاعان. نەگە دەيسىز عوي؟ سەبەبى مونە كوز جانارى بۇلدىراپ, تۇستەر كومەسكى كورىنەتىن سىرقاتقا شالدىعادى. ول اشىق تۇستەردى اجىراتا المايتىن بولعان. سودان كەيىن 1923 جىلى ەكى كوزىنە دە وپەراتسيا جاساتادى. وپەراتسيادان سوڭ سۋرەتشى ۋلتراكۇلگىن ءتۇستى كورە باستايدى. ادەتتە ادام ونى كورە المايدى. سونىڭ ناتيجەسىندە, ول وپەراتسيادان كەيىنگى تۋىندىلارىندا قىزىل, كۇلگىن, كوكشىل-سۇر تۇستەردى ءجيى قولدانعان.