مي – ءبىز ويلاعاننان دا كۇردەلى ورگان. ول جاقىن ماڭدا ناۋقاس ادام بولسا, سونى سەزىپ, اعزانى الدىن الا قورعانىسقا دايىندايدى.
شۆەيتساريالىق عالىمدار ميدىڭ تاڭعالارلىق قابىلەتىن انىقتادى. زەرتتەۋ ناتيجەلەرى كورسەتكەندەي, ادام ميى سىرتقى ورتانى باقىلاپ قانا قويماي, ول جاقتا ۆيرۋس جۇقتىرعان نەمەسە سىرقاتتانعان ادام بارىن سەزە الادى. ەڭ قىزىعى, بۇل جاعدايدا مي يممۋندىق جۇيەگە بەلگى بەرىپ, اعزانى شابۋىلعا دايىن كۇيگە كەلتىرەدى. ياعني ءبىز ناۋقاس اداممەن بايلانىسقا تۇسپەي جاتىپ-اق, مي وزدىگىنەن «قاۋىپ كەلەدى» دەگەن سيگنال جىبەرىپ, ىشكى قورعانىس جۇيەلەرىن ىسكە قوسادى.