استانادا دزيۋدو فەدەراتسياسىنىڭ كەزەكتى كونفەرەنتسياسى ءوتتى. جيىن بارىسىندا اتاقتى بالۋان, وليمپيا ويىندارىنىڭ كۇمىس, الەم چەمپيوناتىنىڭ قولا جۇلدەگەرى اسحات جيتكەەۆ ۇيىمنىڭ ۆيتسە-پرەزيدەنتى بولىپ تاعايىندالدى. باس حاتشىلىق قىزمەتكە تيمۋر بولات تاعايىندالدى. تيمۋر كەزىندە قۇرلىقتىق, حالىقارالىق جارىستاردا جەڭىس تۇعىرىنا كوتەرىلگەن ەلىمىزدىڭ مىقتى دزيۋدوشىلارىنىڭ ءبىرى. سونىمەن قاتار جيىندا اتقارىلعان جۇمىستار قورىتىندىلانىپ, الداعى جوسپارلار تالقىلاندى.
تەننيستەن استانادا پرەزيدەنت كۋبوگى باستالدى. ATP Challenger Tour مەن ITF World Tennis Tour ساناتىنداعى جارىستا بىرقاتار مەملەكەتتەن كەلگەن سپورتشىلار باق سىنايدى. ولاردىڭ قاتارىندا ۇيىمداستىرۋشىلار تاراپىنان Wild card-قا يە بولعان ءامىر ومارحانوۆ پەن زاڭعار نۇرلان ۇلى بار. گەورگي لوماكين, يسلام ورىنباسار, ەراسىل باقتيار, دانيەل تازابەكوۆ ىرىكتەۋ سىنىنا قاتىسىپ جاتىر.
فۋتبولدان ەلىمىزدىڭ پرەمەر-ليگاسىنىڭ 18-تۋر ويىندارى مىناداي ناتيجەلەرمەن اياقتالدى: «قايسار» – «قىزىلجار» 1:0, «توبىل» – «قايرات» 1:3, «ەلىماي» – «جەتىسۋ» 3:0, «جەڭىس» – «وقجەتپەس» 0:0, «تۇران» – «ورداباسى» 0:4.