2025 جىلعى 17-23 شىلدە ارالىعىندا مالديۆ ارالدارىنىڭ استاناسى مالە قالاسىندا وتكەن ورتالىق ازيا چەمپيوندار ليگاسىندا ەلىمىزدىڭ نامىسىن ورال قالاسىنىڭ «Jaiyq» ۆولەيبول كلۋبى ابىرويمەن قورعاپ, جەڭىمپاز اتاندى.
ازيا قۇرلىعىنداعى بەدەلدى دوداعا 5 مەملەكەتتەن 6 ۇزدىك كوماندا قاتىستى. باسەكە وتە قىزۋ بولدى. ەلىمىز اتىنان سىنعا تۇسكەن «Jaiyq» كلۋبى تاجىريبەلى باپكەر ۆيكتور كوزيكتىڭ جەتەكشىلىگىمەن وتە ءساتتى ونەر كورسەتتى. ءبىر اپتاعا سوزىلعان سايىستا «Jaiyq» كومانداسى Kirgyzstan كلۋبىن, جەرگىلىكتى Club HDC, Dhivehi Sifainge club كوماندالارىن 3:0 ەسەبىمەن, شري-لانكانىڭ Ports Authority كومانداسىن 3:1 ەسەبىمەن جەڭدى. جالپى تۋرنير بارىسىندا 6 ماتچتىڭ 5-ەۋىندە جەڭىسكە جەتكەن «Jaiyq» كلۋبى ورتالىق ازيا دەڭگەيىندە ۇزدىك ەكەنىن دالەلدەپ شىقتى.
تۋرنير قورىتىندىسىندا «Jaiyq» كلۋبىنىڭ بىرنەشە ويىنشىسى ۇزدىكتەر قاتارىنان كورىندى. اتاپ ايتقاندا, ۆيتالي ەردشتەين ءتۋرنيردىڭ ۇزدىك ويىنشىسى, ۆولوديمير كوۆالچۋك ۇزدىك بايلانىستىرۋشى, ۆلاديمير پروكوفەۆ ۇزدىك شابۋىلشىسى اتاندى.
«بۇل تۋرنير – ءبىز ءۇشىن تەك جارىس ەمەس, ەلىمىزدىڭ نامىسىن قورعاۋ جولىنداعى ماڭىزدى قادام بولدى. جەڭىسىمىز – بۇكىل ەل ۆولەيبولىنىڭ ابىرويى», دەيدى كلۋب ديرەكتورى ازامات نۇرمۇحانبەتوۆ.
باتىس قازاقستان وبلىسى