20 شىلدە كۇنى اقتوبە قالاسى, ەدىگە باتىر كوشەسىندە ورنالاسقان اۆتوگاز قۇيۋ بەكەتىندە 25 ليترلىك تۇرمىستىق گاز باللوندى تولتىرۋ كەزىندە ءورت شىققان, دەپ جازادى Egemen.kz.
سالدارىنان جەڭىل كولىك تولىق ورتكە ورانعان. وقيعا ورنىنا تجم كۇشتەرى شۇعىل جەتىپ, قىزىل جالىننىڭ اگزس-ءتىڭ رەزەرۆۋارلارى مەن ينفراقۇرىلىمىنا تارالۋىنىڭ الدىن الدى.
ءورت كەزىندە اۆتوگاز قۇيۋ بەكەتىنىڭ وپەراتورى تەرميالىق كۇيىك العان. تجم ايماقتىق دەپارتامەنتى وپەراتوردىڭ دەرەۋ مەديتسينالىق مەكەمەگە جەتكىزىلگەنىن حابارلادى.