گەرمانيا مەن دانيا اراسىنداعى سولتۇستىك جاعالاۋدا كۇن سايىن تەڭىز استىنا باتىپ, قايتادان پايدا بولاتىن حالليگي دەپ اتالاتىن ارالدار بار. بۇل – تابيعاتتىڭ تىلسىم ىرعاعىمەن ءومىر سۇرەتىن سيرەك مەكەندەر. سول حالليگيلەردىڭ ءبىرى – نوردشترانديشمور ارالى.
ارالدى ماتەريكپەن جالعاپ تۇرعان ەرەكشە تەمىرجول بار. جولدىڭ ۇزىندىعى نەبارى 3,5 شاقىرىم. ول اشىق تەڭىز ۇستىنە سالىنعان. كوتەرىلمەلى تولقىن كەلگەندە جولدى سۋ باسىپ, قاتىناس ۇزىلەدى. بىراق سۋ قايتقان سوڭ, جول قايتادان پايدا بولادى. قىزىعى, بۇل جولدا ادامدار ءوز ۆاگونەتكالارىمەن عانا جۇرەدى. ولاردى جۇرگىزۋگە 15 جاستان باستاپ رۇقسات ەتىلەدى. جەرگىلىكتى تۇرعىندار ءۇشىن بۇل – كادىمگى كۇندەلىكتى كولىك.