جاپوندىق سۋرەتشى ياسۋشي تاكاحاشي سۇيىكتىسىنە ۇيلەنۋگە ۇسىنىستى الەمدەگى ەڭ ۇلكەن GPS-سۋرەت ارقىلى جاساعان. ول بۇل ەرەكشە جوباسىنا 6 اي ۋاقىتىن جۇمساپ, 7000 شاقىرىمنان استام جول ءجۇرىپ شىققان.
تاكاحاشي جاپونيا كارتاسىندا «Marry me» («ماعان تۇرمىسقا شىق») دەگەن ءسوز بەن جۇرەك بەينەسىن ارنايى GPS قۇرىلعىسىنىڭ كومەگىمەن سالىپ, سۇيىكتىسىنە ۇسىنىس جاساعان. ول جاياۋ, كولىكپەن, ۆەلوسيپەدپەن كەي جەرلەردە پاروممەن قوزعالىپ, قوزعالىس مارشرۋتىن الدىن الا مۇقيات جوسپارلاعان. جولcاپار 2008 جىلدىڭ شىلدەسىندە باستالىپ, كەلەسى جىلدىڭ قاڭتارىندا اياقتالعان. بۇنداي رومانتيكالىق ءارى يننوۆاتسيالىق ارەكەتى ءۇشىن ياسۋشي تاكاحاشي گيننەستىڭ رەكوردتار كىتابىنا ەنىپ, «الەمدەگى ەڭ ۇلكەن GPS-سۋرەت اۆتورى» اتانعان.