قاتار مەملەكەتى ءشول دالادا 3D-پرينتەرمەن الەمدەگى ەڭ ۇلكەن عيمارات تۇرعىزباق.
قاتاردا بۇرىن-سوڭدى بولماعان قۇرىلىس باستالدى. ەل استاناسى دوحانىڭ ماڭىنداعى ءشول دالادا 3D-پرينتەر ارقىلى ەكى ۇلكەن مەكتەپ سالىنىپ جاتىر. ءار مەكتەپتىڭ اۋدانى – 20 000 شارشى مەتر. بۇل وسى كۇنگە دەيىن 3D-پرينتەرمەن سالىنعان ەڭ ۇلكەن عيمارات. مەكتەپتەر ەكى قاباتتى. سىرتقى كەلبەتى شولدەگى قۇمدى توبەلەرگە ۇقساس يىلگەن فورمادا جوبالانعان. قۇرىلىس 2025 جىلدىڭ سوڭىنا دەيىن تولىق اياقتالادى دەپ جوسپارلانعان.