روبوت العاش رەت ءوز بەتىنشە ءوت قابىن الۋ وتاسىن جاسادى.
اقش-تاعى دجون حوپكينس ۋنيۆەرسيتەتىنىڭ عالىمدارى جاساعان ەرەكشە روبوت-حيرۋرگ ادامعا ۇقساس مودەلگە ءوت قابىن الىپ تاستاۋ وپەراتسياسىن وزدىگىنەن جاسادى. جاڭا جۇيەنىڭ اتاۋى «SRT-H». ول بۇرىنعى حيرۋرگيالىق روبوتتار سياقتى بۇيرىقپەن عانا جۇمىس ىستەمەي, ءوزى جاعدايدى ءتۇسىنىپ, بەيىمدەلە الادى. مىسالى, وپەراتسيا كەزىندە داۋىس ارقىلى بەرىلگەن نۇسقاۋلاردى ورىندايدى, كۇتپەگەن جاعداي بولا قالسا, سوعان سايكەس شەشىم قابىلداي الادى.