جارىس كۇندەلىگى

وڭتۇستىك كورەيانىڭ چحۋنچحون قالاسىندا تاەكۆوندودان كوماندالىق الەم كۋبوگى ءوتىپ جاتىر. جارتىلاي فينالعا دەيىن ەش كەدەرگىسىز جەتكەن ەلىمىزدىڭ ەرلەر قۇراماسى وسى مەجەدە الاڭ يەلەرىنە جول بەردى. قولا مەدال ءۇشىن تارتىس­تا جەرلەستەرىمىز ماروككونى ۇتتى. ايەلدەر قۇراماسى شيرەك فينالدا قىتاي سپورتشىلارىنان ۇتىلدى.

الماتىدا تاەكۆوندودان ەل كۋبوگىنىڭ ەكىنشى كەزەڭى اياقتالدى. جارىستا مىنا سپورتشىلار جەڭىمپاز اتاندى, ەرلەر: 58 كگ – 1. ازىرەت دۇيسەنبەك (تۇركىستان), 63 كگ – ەلدوس ىسقاق (جامبىل وبلىسى), 68 كگ – ءانۋار مۇحامەتكارى­موۆ (استانا), 80 كگ – دامير شۇلەنوۆ (الماتى), 87 كگ – بەيبارىس قابلان (الماتى وبلىسى); ايەلدەر: 49 كگ – بوتاكوز قاپانوۆا (قىزىلوردا), 53 كگ – ايدانا سۇندەتباي (الماتى وبلىسى), 67 كگ – نۇراي قۇسايىنوۆا (اتىراۋ), 73 كگ – نازىم ماحمۇتوۆا (تۇركىستان), 87 كگ – ماريا سەۆوستيانوۆا (اتىراۋ وبلىسى).

فۋتبولدان ەلىمىز پرەمەر-ليگاسىنىڭ 15-تۋرى مىنا­­داي ناتيجەلەرمەن اياق­تال­دى: «اقتوبە» – «اتىراۋ» 2:0, «ەلىماي» – «توبىل» 2:3, «قايرات» – «تۇران» 4:0, «قى­زىل­جار» – «ورداباسى» 0:0, «جەڭىس» – « ۇلىتاۋ» 2:0, «جەتىسۋ» – «استانا» 0:2, «وقجەتپەس» – «قاي­­سار» 4:2. جارىس كەستەسىندە «استانا» مەن «قايراتتىڭ» جاع­دايى جاقسى. ەلوردالىق­تار 37 ۇپاي­­دى ەنشىلەسە, الما­تى­لىق­تار­دىڭ باستى قار­سىلاسىنان ءبىر ۇپايى كەم. كوش سوڭىنداعى «اتى­راۋدىڭ» جاعدايى وتە مۇش­كىل, ولاردىڭ نەبارى 5 ۇپايى بار.

25-27 شىلدە ارالىعىندا ۇلانباتىردا «Grand Slam» ءتۋرنيرى وتەدى. جارىستا ەلى­مىزدىڭ نامىسىن 10 دزيۋدوشى قورعايدى. ەرلەر باسەكە­سىندە ءالجان ءنۇرادىل, تالعات ورىنباسار (60 كگ), باۋىرجان نارباەۆ, ەرجان ەرەنقايىپوۆ (66 كگ), سايات سەيىتقاليەۆ (73 كگ), مەيىرجان جۇمابەك (81 كگ), ەرماحان انۋاربەكوۆ (90 كگ), بەيبىت مەدەەۆ (100 كگ) باق سىناسا, ايەلدەر سايىسىندا تولعاناي ابەۋوۆا (52 كگ) مەن ارۋنا جانكەلدينا (70 كگ) بەلدەسەدى.