كەمبريدج ۋنيۆەرسيتەتىنىڭ عالىمدارى ادامنىڭ دنق-سىن قولدان قۇراستىرۋدى باستادى. بۇل – تاريحتا العاش رەت جۇزەگە اسىپ وتىرعان تاجىريبە.
جوبا «Synthetic Human Genome» دەپ اتالادى. وعان 7 ميلليارد بولىنگەن. قارجىنى «Wellcome Trust» قايىرىمدىلىق قورى بەرگەن. ماقسات – ادامنىڭ گەنەتيكالىق كودىن مولەكۋلا بويىنشا جاساپ ۇيرەنۋ. بۇعان دەيىن عىلىم دنق-نى وقي الاتىن. ەندى ونى قايتا جازۋعا كوشتى. جوبا ءساتتى بولسا, بولاشاقتا جازىلمايتىن اۋرۋلارعا قارسى جاڭا ەمدەۋ ادىستەرى پايدا بولۋى مۇمكىن. بىراق بۇل باستامانىڭ ەكىنشى جاعى دا بار. كەيبىر عالىمدار تەحنولوگيانىڭ باقىلاۋدان شىعۋىنان قاۋىپتەنەدى. سەبەبى ەگەر گەنەتيكالىق كودتى قۇراستىرۋ وڭاي ءارى قولجەتىمدى بولسا, ونى كىم, قانداي ماقساتقا پايدالاناتىنىن ەشكىم بولجاي المايدى.