الەمدەگى ەڭ ۇزىن قۇرلىقتىق شەكارا – اقش پەن كانادا اراسىندا ورنالاسقان. بۇل شەكارانىڭ جالپى ۇزىندىعى 8 893 شاقىرىمعا سوزىلىپ جاتىر.
ەكى ەلدىڭ شەكاراسى تىنىق مۇحيتى جاعالاۋىنان اتلانت مۇحيتىنا دەيىنگى اۋماقتى قامتيدى. ەڭ قىزىعى – شەكارانىڭ ءبىر بولىگى الياسكا ارقىلى وتەدى. ياعني بۇل شەكارا ەكى ەلدىڭ نەگىزگى ماتەريگىن عانا ەمەس, اقش-تىڭ الياسكا شتاتىمەن كانادانىڭ سولتۇستىگىن دە بايلانىستىرادى. كەي تۇسىندا بۇل شەكارا تىعىز ورمان, وزەن-كول, ءتىپتى ادام اياق باسپاعان جابايى تابيعات ارقىلى وتەدى. ەكى ەل اراسىندا قورشاۋ دا, بەكىنىس تە جوق. كوپ جاعدايدا بەلگى رەتىندە شەكارا سىزىعىنىڭ بويىنا ورناتىلعان تاقتايشالار مەن تىرەكتەر عانا بار.