اتىراۋ. 16 اقپان. «اتىراۋ-ورال» كۇرە جولى بويىنداعى سارايشىق اۋىلى تۇسىندا بولعان كولىك اپاتىنان 4 ادام قازا تاپتى. بۇل تۋرالى egemen.kz ءتىلشىسى حابارلادى.
كورشىلەس قوس وبلىستى ءبىر-بىرىمەن جالعاعان ۇزىن جولدا «ماز» اۋىر جۇك جانە «زاز شانس» جەڭىل كولىگى جول اپاتىنا ۇشىرادى. اپاتتىڭ ورىن الۋىنا قارسى باعىتقا شىعىپ كەتكەن «ماز» جۇك كولىگىنىڭ الدىڭعى سول جاق دوڭگەلەگىنىڭ وزدىگىنەن جارىلۋى سەبەپ بولىپتى. «ماز» دوڭگەلەگىنىڭ وسى اقاۋلىعىنان جۇرگىزۋشى ونى باسقارا الماعان. ءسويتىپ, قارسى باعىتتاعى «زاز شانس» كولىگىمەن بەپتپە-بەت سوقتىعىسقان. بۇل اپاتتىڭ سالدارىنان جەڭىل كولىكتى باسقارعان 38 جاسار ايەل, سونىمەن بىرگە, 54, 61 جانە 70 جاستاعى جولاۋشىلار العان جاراقاتىنان كوز جۇمدى.
جولداسبەك شوپەعۇل.
دەرەك: egemen.kz.
سۋرەت: azh.kz.