استانا. 16 اقپان. الماتىعا حالىقارالىق وليمپيادا كوميتەتىنىڭ باعالاۋ كوميسسياسى كەلىپ, سپورتتىق بەس نىساننىڭ جاعدايىمەن تانىستى. بۇل تۋرالى egemen.kz ءتىلشىسى حابارلادى.
اتالعان كوميسسيا 12 مىڭ ادام سىياتىن مۇزايدىنى سارايىن, وليمپيادانىڭ اشىلۋى مەن جابىلۋى وتەتىن ورتالىق ستاديوندى, «بالۋان شولاق» سپورت سارايىن, «سۇڭقار» شاڭعىمەن تۇعىردان سەكىرۋ كەشەنىن جانە تاۋەلسىزدىك الاڭىن ارالاپ كوردى.
ءبىزدىڭ تاراپتان وليمپيادانى وتكىزۋگە جاۋاپتى دەگەن ازاماتتاردىڭ ايتۋىنشا, الماتى بۇگىننىڭ وزىندە ءدۇبىرلى دودانى وتكىۋگە 70-80 پايىز دايىن ەكەن. ال قۇرىلىسى ءجۇرىپ جاتقان نىسانداردىڭ بارلىعى دا 2017 جىلى سول الماتىدا وتەتىن قىسقى ۋنيۆەرسياداعا دەيىن تولىعىمەن سالىنىپ بىتپەك.
سونىمەن, قالانى ارمانسىز ارالاعان كوميسسيانىڭ كورگەنىنە كوڭىلى تولعان سياقتى. الدا-جالدا وليمپيادا الماتىدا وتە قالسا, سپورتشىلار مەن قوناقتار الاشاپقىن بولمايدى. جارىس وتەتىن نىساندار ءبىر-بىرىمەن بۇيىرلەسىپ-اق جاتىر. دالىرەگى, ولاردىڭ ورنالاسقان جەرى وليمپيادا قالاشىعىنىڭ اينالاسىنان 30 شاقىرىمنان اسپايدى ەكەن. ونىڭ ۇستىنە, «الماتى-2022» ۇيىمداستىرۋ كوميسسياسىنىڭ ۆيتسە-پرەزيدەنتى ا.كريۋكوۆ وليمپيادانىڭ ءبىر عانا قالادا – الماتىدا وتەتىنىن مالىمدەدى. قىسقى وليمپيادانىڭ جارتىسى استانادا وتسە دەگەن ۇسىنىس كۇن تارتىبىنەن ءتۇسىپ قالدى.
ەندىگى كەزەك – بەيجىڭدە. حوك-تىق باعالاۋ كوميسسياسى قىتاي استاناسىندا 24-28 ناۋرىز ارالىعىندا بولادى. ال قىسقى وليمپيادانىڭ استاناسى وسى جىلدىڭ 31 شىلدەسىندە كۋالا-لۋمپۋرداعى كەڭەستە بەلگىلى بولماق. ازىرگە الماتى مەن بەيجىڭ بۇل بايگەدە ۇزەڭگى قاعىستىرىپ كەلەدى.
جولدىباي بازار.
دەرەك, سۋرەت: egemen.kz.