قازالىدا بەلگىلى باپكەردى ەسكە الۋعا ارنالعان تۋرنير ءوتتى

استانا. 16 اقپان. قىزىلوردا وبلىسى قازالى اۋدانىندا رەسپۋبليكاعا بەلگىلى فۋتبول باپكەرى سەرىك كەۋلىمجاي ۇلى سانسىزباەۆ ەسكە الۋعا ارنالعان اۋداندىق تۋرنير وتكىزىلدى. وعان اقتوبە, سىرداريا, جالاعاش, قارماقشى, بايقوڭىر جانە ارال اۋداندارىنان جانە جەرگىلىكتى جەردىڭ كوماندالارى, بارلىعى 12 كوماندا قاتىستى. بۇل تۋرالى egemen.kz ءتىلشىسى ءتۋرنيردى «نۇر وتان» پارتياسى اۋداندىق فيليالىنىڭ ءبىرىنشى ورىنباسارى قاسقىربەك مامبەتجان اشىپ بەردى. سەرىك كەۋلىمجاي ۇلىنىڭ اۋداندىق سپورت, ونىڭ ىشىندە فۋتبولدىڭ دامۋىنا ۇلكەن ۇلەس قوسقاندىعى تۋرالى ەستەلىكتەر ايتتى. ەكى كۇنگە سوزىلعان جارىسقا ايتەكە بي كەنتىنىڭ اكىمى سامات امانوۆ جارىسقا قاتىسۋشىلارعا ساتتىلىك تىلەدى. سونىمەن, جارىس قورىتىندىسى بويىنشا III ورىندى شاكىرتتەر كومانداسى, II ورىندى تۇلپار /بايقوڭىر قالاسىنان/ كومانداسى, I ورىندى قازالى اۋدانى قۇراما كومانداسى يەلەندى. ءتۋرنيردىڭ جەڭىمپاز جانە جۇلدەگەر كوماندالارى اۋداندىق دەنە شىنىقتىرۋ جانە سپورت ءبولىمىنىڭ ماقتاۋ قاعازدارى مەن كۋبوكتار جانە سانسىزباەۆتار اۋلەتىنىڭ باعالى سىيلىقتارىمەن ماراپاتتالدى. بۇل شاراعا وبلىستىق ءماسليحات دەپۋتاتى يبادۋللا تىلەپ جانە ورداباسى كومانداسىنىڭ شابۋىلشىسى داۋرەنبەك تاجىمبەتوۆ قارجىلاي دەمەۋشىلىك جاسادى. جولدىباي بازار. دەرەك, سۋرەت: egemen.kz.