اقتوبە. 15 اقپان. اقتوبەدە بەلسەندى جاستار جەمقورلىققا قارسى اكتسيا وتكىزدى. «مەگا اقتوبە» ساۋدا ورتالىعىندا وتكەن وسى شاراعا 120-دان استام قىز-جىگىت قاتىستى. بۇل تۋرالى egemen.kz ءتىلشىسى حابارلادى.
وبلىستىق جاستار ساياساتى ماسەلەلەرى باسقارماسىنىڭ ءباسپاسوز قىزمەتى مالىمدەگەندەي, مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ اقتوبە وبلىسى بويىنشا دەپارتامەنتى, سونداي-اق وبلىستىق جاستار ساياساتى ماسەلەلەرى باسقارماسىنىڭ مۇرىندىق بولۋىمەن وتكىزىلگەن اكتسيادا تۇرعىندارعا جەمقورلىقتىڭ قوعام دامۋىنىڭ جەگى قۇرتى ەكەنى ءتۇسىندىرىلدى. اقتوبەدەگى جاستار ۇيىمدارى مەن وقۋ ورىندارىنىڭ بەلسەندى وكىلدەرى اتسالىسقان فلەشموب اياسىندا كەلۋشىلەرگە جەمقورلىق دەرەكتەرى جازىلعان ءتۇرلى پاراقشالار تاراتىلىپ, ونىمەن بەتپە-بەت كەزدەسكەن جاعدايدا قايدا حابارلاسۋعا بولاتىندىعى جايلى اقپاراتتار بەرىلدى.
ساتىبالدى ءساۋىرباي.
دەرەك: egemen.kz.
سۋرەت: inform.kz.