اقتوبە. 15 اقپان. اقتوبەدەگى «نۇر عاسىر» مەشىتىنىڭ ۇيىمداستىرۋىمەن ەرلەرگە ارنالعان ساۋات اشۋ كۋرسىندا وقىپ جۇرگەن شاكىرتتەر اراسىندا قۇران وقۋدان جارىس ۇيىمداستىرىلدى. بۇل تۋرالى «نۇر عاسىر» مەشىتىنىڭ ءباسپاسوز قىزمەتى حابارلادى.
«ءبىلىمدى مىڭدى جىعادى, بىلەكتى ءبىردى جىعادى» دەگەن تاقىرىپپەن وتكىزىلگەن سايىسقا 14 شاكىرت قاتىستى. قاتىسۋشىلار قۇراندى مانەرلەپ جاتقا وقۋ عانا ەمەس, سونىمەن قاتار, اياتتار مەن سۇرەلەر جانە پايعامبارىمىزدىڭ (س.ع.س) ءومىربايانى بويىنشا ساۋالدارعا جاۋاپ بەردى. قازىلار القاسىنىڭ شەشىمىمەن ءى ورىندى ەڭ جاس سايىسكەر اسىلگەرەي جەتپىسوۆ, ال ەكىنشى جانە ءۇشىنشى ورىنداردى تيىسىنشە نۇرلىبەك قامباروۆ پەن ەرجان سادىقوۆ يەلەندى. ولارعا باعالى سىيلىقتار تاپسىرىلدى. قالعان سايىسكەرلەر ماقتاۋ قاعازدارى مەن ەستەلىك سىيلىقتارعا يە بولدى.
ساتىبالدى ءساۋىرباي.
دەرەك: «نۇر عاسىر» مەشىتىنىڭ ءباسپاسوز قىزمەتى.
سۋرەت: aktobegazeti.kz.